QR BǴM mektepke deıingi bilimmen qamtý deńgeıin 80 paıyzǵa deıin jetkizýdi josparlap otyr
ASTANA. 13 qarasha. QazAqparat - QR BǴM mektepke deıingi bilimmen qamtý deńgeıin 80 paıyzǵa deıin jetkizýdi josparlaýda. Bul týraly búgin Qazaqstanda bilim jáne ǵylym salasyn damytýdyń 2014-2016 jyldarǵa arnalǵan basym baǵyttary boıynsha ótken QR Bilim jáne ǵylym mınıstrliginiń alqa májilisinde vedomstvo basshysy Aslan Sárinjipov málim etti.
«Sapaǵa aıryqsha mán beremiz. Joǵary bilimdi tárbıeshilerdiń úlesin 30 paıyzǵa deıin jetkizýdi usynamyz. Mektepke deıingi uıymdardyń sanyn 10 myńǵa deıin arttyramyz», - dedi mınıstr. Osy oraıda ol bul baǵyttaǵy jumystarda memlekettik-jekemenshik áriptestikke ekpin jasalady. «Osy baǵyttaǵy bizdiń barlyq maqsattardy básekege qabilettilikti arttyrýǵa negizdeımiz», - dep túıdi A. Sárinjipov.
