QR BǴM quny 5,9 mlrd. teńge turatyn ǵylymı jobalardy qarjylandyrdy
«QR Bilim jáne ǵylym mınıstrligi Dúnıejúzilik bankpen birlese otyryp, «Tehnologııalardy kommertsııalaý» jobasyn júzege asyryp kele jatyr. Osy jobanyń arqasynda jalpy quny 5,9 mlrd. teńgege jetetin kommertsııalyq áleýeti joǵary 65 ǵylymı ázirlemeler men jobalar tabylyp, qarjylandyryldy. Búgingi kúnde 20 shaqty kompanııa saýdaǵa shyqty, olardyń jobalar boıynsha satylymdary 103,4 mln. teńgeni qurady. Sonymen qatar 34 kelisim jasalyp, 4 lıtsenzııalanǵan kelisimshartqa qol qoıyldy», - dep atap ótti ol.
Onyń aıtýynsha, ǵylym men ınnovatsııany júıeli túrde qoldap otyrý úshin jyl sońyna deıin «Ǵylymı jáne ǵylymı-tehnıkalyq qyzmettiń nátıjelerin kommertsııalaý týraly» Zań qabyldaý josparlanyp otyr.
BǴM málimetteri boıynsha, sońǵy 4 jylda ǵylymdy qarjylandyrý 2,5 esege ósken. Máselen, 2010 jyly bul kórsetkish 20 mlrd. teńge bolsa, 2014 jyly 47,9 mlrd. teńge bolǵan. Sonymen qatar qazir ǵalymdardyń sany da eki esege artqan. Eger olardyń sany 2010 jyly 15 myń bolsa, qazir 29 myńnan asty.
Aıta keteıik, «Ult jospary - 100 naqty qadam» baǵdarlamasynyń 63-64 qadamdarynda ǵylymǵa negizdelgen ekonomıka qurý týraly naqty aıtylǵan.
«63-qadamda ǵylymǵa negizdelgen ekonomıkany qalyptastyrýdyń alǵysharty retinde eki ınnovatsııalyq klasterdi damytý kózdelip otyr. Ol búgingi tańda Nazarbaev Ýnıversıtetiniń bazasynda «Astana Business Campus» ǵylymı parkin qurý jáne Innovatsııalyq tehnologııalar parkin damytý boıynsha jumystar júrgizý. «Astana Business Campus» ǵylymı parkiniń quramyna geologııalyq, bıomedıtsınalyq jáne joǵary tehnologııalyq klastermen qatar áleýmettik-iskerlik aımaq kiretin bolady. Atalǵan kampýspen álemge belgili Microsoft, Samsung, Intel, Huawei, General Electric sekildi halyqaralyq kompanııalar ózara yntymaqtastyq ornatýda», - dedi vıtse-mınıstr.