QR BǴM keıbir BAQ-ta taraǵan «Memlekettik joǵary oqý oryndaryn jekeshelendirý týraly» habarlamany túsindirip berdi
ASTANA. 31 qazan. QazAqparat - QR Bilim jáne ǵylym mınıstrligi «Memlekettik joǵary oqý oryndaryn jekeshelendirý týraly» keıbir BAQ-ta taraǵan habarlamany túsindirip berdi. Bul týraly vedomstvonyń baspasóz qyzmetinen habarlady.
Úkimet otyrysyndaǵy Bilim jáne ǵylym mınıstrliginiń baıandamasynda jekeshelendirý jóninde emes, joǵary oqý oryndaryna derbestik berýdi kózdeıtin avtonomııa týraly habarlandy. ıAǵnı, bul joǵary oqý oryndaryn jekeshelendirý nemese jeke qolǵa berý degen sóz emes.
Qazirgi tańda Qazaqstannyń memlekettik joǵary oqý oryndary sharýashylyq júrgizý quqyǵyndaǵy respýblıkalyq memlekettik kásiporyn túrinde qyzmet atqarady (ShJQ RMK). Joǵary oqý oryndary sharýashylyq júrgizý quqyǵyndaǵy respýblıkalyq memlekettik kásiporynnan jańa ákimshilik túrge aýysqannan keıin álemdik tájirıbege sáıkes qyzmet ete bastaıdy.
Avtonomdyq mártebesin alǵan joǵary oqý orny bilim berý sapasy úshin, óz stýdentteriniń jumyspen tolyq qamtamasyz etilýi úshin jaýapkershilik kóteredi. QR Bilim jáne ǵylym mınıstrliginiń josparyna sáıkes, jeke damý baǵdarlamasyn ázirlep, basqarýdyń alqalyq túrin engizgen, Qamqorshylyq keńes qura alǵan jáne jemqorlyqqa qarsy sharalar qabyldaı alatyn joǵary oqý oryndaryna ǵana avtonomııa beriledi. Bul rette, memleket tarapynan baqylaý men qoldaý, qarjylandyrý saqtalady. Jergilikti atqarýshy organdar, bıznes pen qoǵam da joǵary oqý ornyn basqarýǵa qatysady. Bul joǵary oqý oryndarynyń ashyqtyǵyn kóterip, qoǵamdyq baqylaýdy qamtamasyz etedi, sondaı-aq úzdik álemdik tájirıbege sáıkes, joǵary bilim berý salasyna ınvestıtsııalar tartý úshin tıimdi sharttar qalyptastyrady», - delingen QR BǴM baspasóz qyzmeti taratqan habarlamada.
