QR BǴM Qazaqstandaǵy mektepke deıingi bilim berýdiń standartyn ózgertýde

ASTANA. QazAqparat - QR Bilim jáne ǵylym mınıstrligi Nazarbaev Zııatkerlik mektepterimen birlese mektepke deıingi bilim berý jańa standartynyń jobasyn ázirleýde. Bul týraly búgin Ortalyq kommýnıkatsııalar qyzmetindegi brıfıngte QR BǴM Mektepke deıingi, orta bilim jáne aqparattyq tehnologııalar departamentiniń dırektory Jańyl Jontaeva málim etti.

Onyń sózine qaraǵanda, osynyń nátıjesinde mektepke deıingi bilim berý baǵdarlamalarynyń mazmuny jańartylady. Mektep aldyndaǵy synyptar mektepke deıingi bilim berýge jatqyzylatynyna toqtalǵan J. Jontaeva, osy oraıda mektep aldyndaǵy (5-6 jastaǵy balalar) daıyndyqpen qamtylǵan balalardyń úlesi 99,6 paıyzdy qurap otyrǵandyǵyn jetkizdi.

Atap aıtqanda, jańa standart Qazaqstannyń túrli oblystaryndańy 30 mektepke qanatqaqty joba retinde engiziledi. Bilim jáne ǵylym mınıstrligi mektep aldyndaǵy synyptardyń bilim berý baǵdarlamalaryn synaqtan ótkizýdi 2015/2016 oqý jylynyń 1 qyrkúıeginen bastamaq.