QR BǴM: Qazaqstanda jyl saıyn 35 myń mektep túlegi bos sandalyp júrgenderdiń qataryna qosylady
ASTANA. QazAqparat - Qazaqstan jyl saıyn 30 myńnan astam mektep túlekteri bos qalady. Bul týraly búgin Astanada ótken baspasóz máslıhatynda QR BǴM Kásiptik-tehnıkalyq jáne ortadan keıingi bilimdi modernızatsııalaý departamentiniń dırektory Sabyrjan Madeev málim etti.
Onyń aıtýynsha, 2014 jyly Qazaqstannyń orta mektepterin 134 myńnan astam oqýshy támamdady. Onyń 80 593-i Ulttyq biryńǵaı testileýge qatysty, ıaǵnı shamamen 65 paıyzy tapsyrdy. UBT-nyń shekti deńgeıin 20 myń 236-sy eńsere almady. Eger de UBT-ǵa qatyspaǵan jáne shekti ballǵa qol jetkize almaǵan mektep túlekterin qosqan kezde, olardyń sany 67 myńnan asyp túsedi. ıAǵnı bul túlekterdiń jalpy sanynan 50 paıyzyn qurap otyr. «Sońǵy jyldardaǵy málimetterge biz taldaý jasap, onyń nátıjesi boıynsha mektep bitirgenderdiń 25-30 paıyzy kolledjge túsetinin anyqtadyq. Osy 30 paıyz kórsetkishin joǵaryda atalǵan 67 myńnan alyp tastasaq, onda shamamen 30-35 myń mektep túlekteri jyl saıyn bos qalady», - dedi S.Madeev. Onyń paıymynsha, bul 30 myń túlektiń kóbisi keıinnen jumys taba almaı, óz ýaqyttaryn bekerge jumsaıdy. «Keıinnen bul adamdarmen QR Densaýlyq jáne áleýmettik damý mınıstrliginiń jumyspen qamtý ortalyqtary aınalysatyny málim. Alaıda, bul turǵyda birneshe jyl buryn mektepterde sapaly kásiptik beıimdeý jumystary júrgizilmegenin baıqaýǵa bolady. ıAǵnı, atalǵan 30-35 myń túlek 9 synyptan keıin kolledjge baryp, mektep bitirgennnen keıin bos sandalyp júrgenderdiń sanyn aıtarlyqtaı qysqartar edi», - dep túıdi S.Madeev.
