QR BǴM qazaq tiline aýdarylatyn ózekti 100 kitapty Internet arqyly anyqtaýdy usyndy

ASTANA. 24 qazan. QazAqparat - Qazaqstanda qazaq tiline aýdarylatyn ózekti 100 kitapty anyqtaý úshin onlaın daýys berý júrgizilýde, dep habarlady QR Bilim jáne ǵylym mınıstrliginiń Jastar isteri jónindegi komıtetinen.

«100 kitap - 100 knıg» jobasy - bul memlekettik tilge aýdarylýǵa usynylatyn ózekti kitaptardy anyqtaý baıqaýy. Baıqaý maqsaty - qazaq tiline aýdarý úshin qazaqstandyq oqyrmandar arasynda tanymal kem degende júzdegen kitaptardyń tizimin qurý. Baıqaý bizdiń saıt paıdalanýshylarymyzdyń onlaın daýys berýleri arqyly ótedi», - delingen vedomstvonyń baspasóz qyzmeti taratqan habarlamasynda.

2012 jyldyń 14 jeltoqsanynda Qazaqstan halqyna Elbasy óziniń jyl saıynǵy joldaýynda qazirgi zamanǵa saı keminde myń kitaptar tizimin quryp zamanǵa saı qazaq tiline aýdarý týraly jańashyl ıdeıany aıtqan bolatyn. Bul qalyń oqyrmandar ortasynda qazaq tilin aıtarlyqtaı dárejege baıytýǵa jáne áıgileýge múmkindik beredi.

«Konkýrs irikteýine kitaptar tizimin qurý ońaı tapsyrmalardan emes ekenin moıyndaý kerek. Ádebıet artyqshylyǵy - sapaly baǵaǵa berilmeıtin jeke orta. Ǵalamtorda kóptegen ártúrli sýbektıvti de bir jaqty «dúnıejúzinde eń tańdaýly týyndylar» tizimderi mne reıtıngteri kezdesedi. Ár túrli reıtıngter men abyroıly ádebı premııa qorytyndylaryn ejikteı zertteý arqyly biz dúnıejúzindegi qazirgi zaman ádebıetinen óz tizimimizdi qurdyq. Degenmen, «qazaq tiline aýdarylatyn ózekti 100 kitap» reıtıngin quraıtyn kitaptar tizimi Sizge baılanysty.

Ár oqyrman ózine oqýǵa, ásirese basqalarǵa kitap usynýǵa arnalǵan salystyra tekserilgen ólshemi bar ekeni sózsiz. Biz daýys berý qandaı kitaptar ózekti ekenin anyqtaýǵa kómektesip, odan ary - memlekettik tilge aýdarylǵan kitapqa degen oqyrman suranysyn qandyrady dep boljaımyz.

«100 kitap - 100 knıg» jobasy, dál sondaı bizdiń áleýmettik jelide resmı tobymyzdaǵy baıqaýdy talqylaý barlyǵynyń nazaryn ǵajaıyp kitaptar álemi men ádebı shyǵarmashylyqqa tartyp, qoǵamymyzda kitap oqý dástúrimizdi, ata-analardyń balalaryn kitapqa degen mahabatty daǵdylandyrý paryzyn eske túsiredi dep shyn kóńilmen úmittenemiz», - delingen habarlamada.

«Qazaq tiline aýdarylatyn ózekti 100 kitap» aqyrǵy qorytyndy tizimin konkýrstyń ekspertter keńesi resmı daýys berý aıaqtalǵan soń bekitedi. Ekspertter keńesiniń quramyna jazýshylar, ǵalymdar, muǵalimder, baspashylar jáne jýrnalshylar kirdi.

«100 kitap - 100 knıg» jobasy «S.A.R.» taldaý jáne boljaý ortalyǵy» Qoǵamdyq qory «Qazaqstan Respýblıkasy Bilim jine ǵylym mınıstrliginiń Jastar isi komıteti» MM qoldaýymen uıymdastyryldy.