QR BǴM qamaýǵa alynǵan mınıstrdiń kómekshisine qatysty túsinik berdi

NUR-SULTAN. QazAqparat - QR Bilim jáne ǵylym mınıstrligi qamaýǵa alynǵan vedomstvo basshysynyń kómekshisine baılanysty túsinikteme berdi, dep habarlaıdy QazAqparat tilshisi.

«Іri kólemde bıýdjet qarjysyn jymqyrýda kúdikke ilingen Bilim jáne ǵylym mınıstrligi jaýapty hatshysynyń kómekshisi memorgannyń shtattyq sanyndaǵy shekteýlerge baılanysty mınıstrdiń kómekshisi retinde tirkeýde bolǵan. Jaýapty hatshynyń kómekshisine qatysty birazdan beri tergeý amaldary júrgizilgen bolatyn», - delingen QR BǴM baspasóz qyzmetiniń málimetinde.

Sonymen qatar vedomstvo ókilderi QR Bilim jáne ǵylym mınıstri Ashat Aımaǵambetov eshqandaı taǵaıyndaý nemese jumystan bosatý sharalaryn júrgizbegenin habarlady.

Eske sala keteıik, buǵan deıin QR Sybaılas jemqorlyqqa qarsy is-qımyl agenttigi iri kólemde bıýdjet qarjysyn jymqyrý faktisi anyqtalǵanyn jáne QR Bilim jáne ǵylym mınıstriniń kómekshisi ustalǵanyn málim etken bolatyn.