QR BǴM: Ǵylym salasyndaǵy syılyqtar men memlekettik ǵylymı stıpendııalardyń mólsherlerin jáne konkýrstyq materıaldardy resimdeýge qoıylatyn talaptary bekitildi

QR Bilim jáne ǵylym mınıstriniń 2011 jyldyń 21 jeltoqsanyndaǵy №536 buıryǵy

Ǵylym salasyndaǵy syılyqtar men memlekettik ǵylymı stıpendııalardyń mólsherlerin jáne konkýrstyq materıaldardy resimdeýge qoıylatyn talaptardy  bekitý týraly

«Ǵylym salasyndaǵy syılyqtar men memlekettik ǵylymı stıpendııalar týraly» Qazaqstan Res­pýblıkasy Úkimetiniń 2011 jylǵy 19 shildedegi № 830 qaýlysyn oryndaý úshin buıyramyn:
1. Ǵylym salasyndaǵy syılyqtar men memlekettik ǵylymı stıpendııalardyń mynadaı mólsherleri belgilensin:
1) jaratylystaný ǵylymdary salasyndaǵy úzdik ǵylymı zertteýi úshin Q.I. Sátbaev atyndaǵy syılyq - 350 aılyq eseptik kórsetkish;
2) gýmanıtarlyq ǵylymdar salasyndaǵy úzdik ǵylymı zertteýi úshin Sh.Sh. Ýálıhanov atyndaǵy syılyq - 350 aılyq eseptik kórsetkish;
3) pedagogıka salasyndaǵy úzdik ǵylymı zertteýi men jumysy úshin Y. Altynsarın atyndaǵy syılyq - 350 aılyq eseptik kórsetkish;
4) túrkologııa salasyndaǵy asa zor jetistikteri úshin Kúltegin atyndaǵy syılyq - 300 aılyq eseptik kórsetkish;
5) jaratylystaný ǵylymdary salasyndaǵy úzdik jumysy úshin jas ǵalymdarǵa arnalǵan D.A. Qonaev atyndaǵy syılyq - 150 aılyq eseptik kórsetkish;
6) gýmanıtarlyq ǵylymdar salasyndaǵy úzdik jumysy úshin jas ǵalymdarǵa arnalǵan M.O. Áýezov atyndaǵy syılyq - 150 aılyq eseptik kórsetkish;
7) memlekettik ǵylymı stıpendııa - 24 aılyq eseptik kórsetkish.
2. Qosa berilip otyrǵan:
1) Konkýrstyq materıaldardy resimdeýge qoıylatyn talaptar;
2) Qazaqstan Respýblıkasy Bilim jáne ǵylym mınıstriniń kúshi joıylǵan buıryqtarynyń tizbesi bekitilsin.
3. Ǵylym komıteti (B.Á. Qasymbekov):
1) osy buıryqtyń belgilengen tártipte Qazaqstan Respýblıkasy Ádilet mınıstrliginde memlekettik tirkelýin qamtamasyz etsin;
2) memlekettik tirkeýden ótkennen keıin osy buıryqty buqaralyq aqparat quraldarynda jarııalansyn.
4. Osy buıryqtyń oryndalýyn baqylaý vıtse-mınıstr M.Q. Orynhanovqa júktelsin.
5. Osy buıryq alǵash resmı jarııalanǵannan keıin on kúntizbelik kún ótken soń qoldanysqa engiziledi.

Mınıstr  B.JUMAǴULOV.

Qazaqstan Respýblıkasy Bilim jáne ǵylym mınıstriniń
2011 jylǵy 21 jeltoqsandaǵy №536 buıryǵymen bekitilgen

Konkýrstyq materıaldardy resimdeýge qoıylatyn talaptar

1. Jalpy erejeler
1. Osy Talaptar «Ǵylym salasyndaǵy syılyqtar men memlekettik ǵylymı stıpendııalar týraly» Qazaqstan Respýblıkasy Úkimetiniń 2011 jylǵy 19 shildedegi № 830 qaýlysyna sáıkes ǵylym salasyndaǵy syılyqtar men memlekettik ǵylymı stıpendııalardy alýǵa arnalǵan konkýrstyq materıaldardy resimdeýge belgilenedi.
2. Ǵylym salasyndaǵy syılyqtardy jáne memlekettik ǵylymı stıpendııalardy alýǵa arnalǵan konkýrstyq materıaldar mynadaı parametrlerdi esepke alyp resimdeledi:
sol jaq sheti - 2,5 sm, oń jaq sheti - 1,5 sm, kolontıtýl - 2,0 sm;
qarip túri - «TimesNewRoman» № 14;
jolaralyq qashyqtyq - bir ese;
abzatstyq bos jer (birinshi joldyń bos jeri) -1,25 sm.
2. Ǵylym salasyndaǵy syılyqtardy alýǵa arnalǵan konkýrstyq materıaldardy
resimdeýge qoıylatyn talaptar
3. Ǵylym salasyndaǵy syılyqtardy alýǵa arnalǵan konkýrsqa materıaldar, onyń ishinde kitaptar, monografııalar, oqýlyqtar, kitapshalanǵan maqalalardyń baspa-tańbalary, patentter kóshirmeleri, avtorlyq kýálikter, memlekettik tirkeýden ótken ǵylymı-zertteý jumysy týraly esepter túrlerindegi ǵylymı jumys eki birdeı danada tapsyrylady.
4. Jumystyń sıpattamasynda onyń mazmuny, zertteýlerdiń ózektiligi men jańalyǵy, negizgi ǵylymı nátıjeleri, olardyń mańyzdylyǵy men bolashaqta paıdalaný múmkindigi baıandalady.
Sıpattamanyń jumysty usynǵan mekemeniń ataýy, jumystyń aty, izdenýshilerdiń qoly qoıylǵan, onyń tegi, aty-jóni kórsetilgen tıtýl beti bolady.
Sıpattamanyń kólemi 0,5 baspa tabaqtan aspaıdy.
5. Jumystyń qysqasha annotatsııasynda tómendegi málimetter kórsetiledi:
1) aldyńǵy betinde - jumystyń ataýy, ony usynatyn uıymnyń tolyq ataýy; avtorlardyń tegi, aty-jóni, olardyń qyzmet oryndary, laýazymdary, ǵylymı dárejeleri men ataqtary;
2) ekinshi jaǵynda - jumystyń qysqasha mazmuny men alynǵan nátıjeleriniń mańyzdylyǵy, jumys avtorlarynyń qoldary.
6. Usynym-negizdeme jumystyń ǵylymı ózektiligin, onyń mańyzdylyǵyn beıneleý kajet. Usynym-negizdemeniń ár danasy usynyp otyrǵan uıymnyń resmı blankisinde resimdeledi jáne oǵan uıymnyń basshysy qol qoıady.
7. Jumysty usynǵan uıymnyń konsýltatıvtik-keńesshi organy otyrysynyń hattamasynan úzindide avtorlyq ujymnyń quramy kórsetilgen syılyqqa jumysty usynýy bolý qajet.
Úzindige organnyń tóraǵasy men onyń hatshysy qol qoıady jáne usynyp otyrǵan uıymnyń mórimen kýálandyrylady.
8. Іzdenýshiniń negizgi qyzmet ornynan anyqtamasynda tómendegi málimetter kórsetiledi:
1) usynylyp otyrǵan jumystyń ataýy;
2) tegi, aty, ákesiniń aty;
3) týǵan jyly, aıy, kúni;
4) ǵylymı dárejesi men ataǵy, mamandyǵy;
5) atqaryp otyrǵan laýazymy;
6) izdenýshiniń qyzmet jáne úıiniń mekenjaıy, telefondary jáne elektrondyq poshtasy.
Anyqtamaǵa izdenýshiniń ózi qol qoıady jáne kadr bólimi qyzmetkeriniń qolymen jáne uıymnyń mórimen kýálandyrylady.
9. Іzdenýshiniń ǵylymı qyzmetine qysqasha sıpattamaǵa jumysty usynýshy uıymnyń basshysy qol qoıady.
Ujymdyq jumystar úshin izdenýshiniń shyǵarmashylyq úlesi kórsetiledi.
10. Іzdenýshiniń negizgi ǵylymı jumystarynyń tizimi (5 jumystan aspaýǵa tıis) onyń negizgi qyzmet ornynyń mórimen rastalady.
11. Jumysty usynýshy uıymynan, konkýrsqa tapsyrylǵan jumystyń (jumystar serııasy) buryn respýblıkalyq bıýdjet qarajatynan tólenetin syılyqtarǵa ıe bolmaǵanyn kýálandyratyn anyqtamaǵa uıym basshysynyń qoly qoıylady jáne mórmen kýálandyrylady.
12. Іzdenýshi jumystan bosatylǵan jaǵdaıda osy baptyń 7, 8 jáne 9- tarmaqtarynda kórsetilgen qujattar onyń sońǵy jumys ornynan usynylady.
13. Konkýrsqa tapsyrylatyn barlyq qujattar boıynsha olardyń elektrondy nusqasyda elektrondy tasymaldaýshyda tapsyrylady.
14. Atalǵan qujattardyń ár jınaǵy teztikpege tigiledi, jeke konvertke jabylady jáne ǵylymı jumys jáne elektrondy tasymaldaýshpen birge:
1) «Jaratylystaný ǵylymdary salasyndaǵy úzdik ǵylymı zertteýler úshin Q.I. Sátbaev atyndaǵy syılyqty alýǵa»;
2) «Gýmanıtarlyq ǵylymdar salasyndaǵy úzdik ǵylymı zertteýler úshin Sh.Ýálıhanov atyndaǵy syılyqty alýǵa»;
3) «Pedagogıka salasyndaǵy úzdik ǵylymı zertteýleri men jumystary úshin Y.Altynsarın atyndaǵy syılyqty alýǵa»;
4) «Túrkologııa salasyndaǵy úzdik jetistikteri úshin Kúltegin atyndaǵy syılyqty alýǵa»;
5) «Jaratylystaný ǵylymdar salasyndaǵy úzdik jumystary úshin jas ǵalymdarǵa beriletin D.A.Qonaev atyndaǵy syılyqty alýǵa»;
6) «Gýmanıtarlyq ǵylymdar salasyndaǵy úzdik jumystary úshin jas ǵalymdarǵa beriletin M.Áýezov atyndaǵy syılyqty alýǵa» degen jazýy bar papkige salynady.
Konverttiń jáne papkiniń syrtynda jumys oryndalǵan uıymnyń ataýy, jumystyń ataýy, avtorlardyń tegi, aty, ákesiniń aty kórsetiledi.
3. Memlekettik ǵylymı stıpendııalardy alýǵa arnalǵan konkýrstyq materıaldardy resimdeýge qoıylatyn talaptar
15. Memlekettik ǵylymı stıpendııalardy alýǵa arnalǵan konkýrsqa materıaldar eki birdeı danada tapsyrylady.
16. Іlespe hattyń árqaısysy usynýshy uıymnyń resmı blankisinde resimdeledi jáne basshysynyń qoly qoıylady.
17. Memlekettik ǵylymı stıpendııany alýǵa úmitkerdi usyný týraly konsýltatıvtik-keńesshi organy otyrysynyń hattamasynan úzindige organnyń tóraǵasy men onyń hatshysy qol qoıady jáne jumysty usynǵan uıymnyń mórimen kýálandyrylady.
18. Konsýltatıvtik-keńesshi organnyń ýájdelgen qoldaýhatynda (usynymynda) izdenýshiniń ǵylymı úlesi týraly, onyń jetistikteri men joǵary baǵa alǵan jáne praktıkalyq qoldanys tapqan ázirlemeleri, sondaı-aq kútilip otyrǵan nátıjeler jáne olardyń praktıkalyq mańyzdylyǵy kórsetilgen ǵylymı qyzmetiniń baǵdarlamasy týraly málimetteri kórsetiledi.
Ýájdelgen qoldaýhat 5 baspa betten aspaıdy jáne uıymnyń mórimen kýálandyrylady.
19. Іzdenýshiniń negizgi qyzmet ornynan anyqtamasynda tómendegi málimetter kórsetiledi:
1) tegi, aty, ákesiniń aty;
2) týǵan jyly, aıy jáne kúni;
3) negizgi jumys (oqý) orny jáne qyzmeti;
4) ǵylymı jáne pedagogıkalyq jumys ótili nemese oqyǵan jyly (aspıranttar men doktoranttar úshin);
5) ǵylymı dárejesi jáne onyń berilgen ýaqyty;
6) úıiniń jáne qyzmet mekenjaıy, telefondary jáne elektrondyq poshtasy;
Anyqtamaǵa izdenýshiniń ózi qol qoıady jáne negizgi jumys (oqý) ornyndaǵy kadr bólimi qyzmetkeriniń qolymen jáne uıymnyń mórimen kýálandyrylady.
20. Іzdenýshiniń aqyrǵy bes jyldaǵy basyp shyǵarǵan ǵylymı eńbekteriniń tizimi uıymnyń mó­ri­men bekitiledi. Tizimge eń mańyzdy jumystardyń baspa-tańbalary (besten aspaýy kerek) qosa beriledi.
Monografııa boıynsha eki betke deıingi kólemde basylǵan annotatsııa beriledi.
21. Atalǵan qujattardyń ár jınaǵy teztikpege tigiledi, jeke konvertke jabylady jáne «Ǵylym men tehnıkaǵa eleýli úles qosqan ǵalymdar men mamandarǵa arnalǵan memlekettik ǵylymı stıpendııany alýǵa» nemese «Daryndy jas ǵalymdarǵa arnalǵan memlekttik ǵylymı stıpendııany alýǵa» degen jazýy bar papkige salynady. Papkiniń joǵarǵy jaǵynda stıpendııany alýǵa izdenýshini usynyp otyrǵan uıymnyń konsýltatıvtik-keńesshi organynyń ataýy, tómengi jaǵynda talapkerdiń tegi, aty, ákesiniń aty kórsetiledi.

Qazaqstan Respýblıkasy Bilim jáne ǵylym mınıstriniń
2011 jylǵy 21 jeltoqsandaǵy №536 buıryǵymen bekitilgen

Qazaqstan Respýblıkasy Bilim jáne ǵylym mınıstriniń
kúshi joıylǵan buıryqtarynyń tizbesi
1. «Úzdik ǵylymı zertteýlerge syılyqtar jáne jas ǵalymdarǵa úzdik ǵylymı jumystary úshin syılyqtar berýdiń tártibi jónindegi erejeni bekitý týraly» Qazaqstan Respýblıkasy Bilim jáne ǵylym mınıstriniń 2000 jylǵy 27 mamyrdaǵy № 500 buıryǵy (Normatıvtik quqyqtyq aktilerdi memlekettik tirkeý tiziliminde № 1168 tirkelgen).
2. «Qazaqstan Respýblıkasy Bilim jáne ǵylym mınıstriniń 2000 jylǵy 27 mamyrdaǵy № 500 buıryǵyna ózgerister men tolyqtyrýlar engizý týraly» Qazaqstan Respýblıkasynyń Bilim jáne ǵylym mınıstriniń 2001 jylǵy 27 qyrkúıektegi № 761 buıryǵy (Normatıvtik quqyqtyq aktilerdi memlekettik tirkeý tiziliminde № 1668 tirkelgen, Qazaqstan Respýblıkasynyń ortalyq oryndaýshy jáne basqa memlekettik organdarynyń Normatıvtik-quqyqtyq aktiler bıýlleteninde jarııalanǵan, 2001 jyl, № 36-37, 518-qujat)
3. «Túrkologııa salasyndaǵy úzdik jetistikteri úshin Kúltegin atyndaǵy syılyqty berýdiń tártibi týraly erejeni bekitý týraly» Qazaqstan Respýblıkasynyń Bilim jáne ǵylym mınıstriniń 2002 jyl­ǵy 25 qyrkúıektegi № 698/1 buıryǵy (Normatıvtik quqyqtyq aktilerdi memlekettik tirkeý tizili­minde № 2031 tirkelgen, Qazaqstan Respýblıkasynyń ortalyq oryndaýshy jáne basqa memlekettik organdarynyń Normatıvtik-quqyqtyq aktiler bıýlleteninde jarııalanǵan, 2003 jyl, № 1, 759-qujat).
4. «Úzdik ǵylymı zertteýlerge syılyqtar jáne jas ǵalymdarǵa úzdik ǵylymı jumystary úshin syılyqtar berýdiń tártibi jónindegi erejeni bekitý týraly» Qazaqstan Respýblıkasy Bilim jáne ǵylym mınıstriniń 2000 jylǵy 27 mamyrdaǵy № 500 buıryǵyna ózgerister men tolyqtyrýlar engizý týraly» Qazaqstan Respýblıkasynyń Bilim jáne ǵylym mınıstriniń 2003 jylǵy 22 qyrkúıektegi № 631 buıryǵy (Normatıvtik quqyqtyq aktilerdi memlekettik tirkeý tiziliminde № 2532 tirkelgen, Qazaqstan Respýblıkasynyń ortalyq oryndaýshy jáne basqa memlekettik organdarynyń Normatıvtik-quqyqtyq aktiler bıýlleteninde jarııalanǵan, 2003 jyl, № 37-42, 878-qujat).
5. «Úzdik ǵylymı zertteýlerge syılyqtar jáne jas ǵalymdarǵa úzdik ǵylymı jumystary úshin syılyqtar berýdiń tártibi jónindegi erejeni bekitý týraly» Qazaqstan Respýblıkasy Bilim jáne ǵylym mınıstriniń 2000 jylǵy 27 mamyrdaǵy № 500 buıryǵyna ózgerister men tolyqtyrýlar engizý týraly» Qazaqstan Respýblıkasynyń Bilim jáne ǵylym mınıstriniń mindetin atqarýshynyń 2004 jylǵy 21 qazandaǵy № 850 buıryǵy (Normatıvtik quqyqtyq aktilerdi memlekettik tirkeý tiziliminde № 3212 tirkelgen, Qazaqstan Respýblıkasynyń ortalyq oryndaýshy jáne basqa memlekettik organ­da­rynyń Normatıvtik-quqyqtyq aktiler bıýlleteninde jarııalanǵan, 2005 jyl, № 9-13, 32-qujat).
6. «Túrkologııa salasyndaǵy úzdik jetistikteri úshin Kúltegin atyndaǵy syılyqty berýdiń tártibi týraly erejeni bekitý týraly» Qazaqstan Respýblıkasynyń Bilim jáne ǵylym mınıstriniń 2002 jylǵy 25 qyrkúıektegi № 698/1 buıryǵyna ózgerister engizý týraly» Qazaqstan Respýblıkasynyń Bilim jáne ǵylym mınıstriniń 2005 jylǵy 19 tamyzdaǵy № 552 buıryǵy (Normatıvtik quqyqtyq aktilerdi memlekettik tirkeý tiziliminde № 3828 tirkelgen, 2005 jylǵy 16 qarashadaǵy № 212 (946) «ıÝrıdıcheskaıa gazeta» gazetinde jarııalanǵan).

Buıryq Qazaqstan Respýblıkasynyń Ádilet mınıstrliginde 2012 jylǵy 20 qańtarda Normatıvtik quqyqtyq kesimderdi memlekettik tirkeýdiń tizilimine №7392 bolyp engizildi.