QR BǴM «Ǵylym qory» AQ-na prezıdent taǵaıyndaldy

ASTANA. QazAqparat - QR BǴM Ǵylym komıteti buıryǵymen Ánýarbek Sultanǵazın Qazaqstan Respýblıkasy Bilim jáne ǵylym mınıstrliginiń «Ǵylym qory» AQ prezıdenti bolyp taǵaıyndaldy. Bul týraly mınıstrliktiń baspasóz qyzmeti habarlady.

Ánýarbek Jáleluly 1956 jyldyń 20 qarashasynda dúnıege kelgen. Ekonomıka mamandyǵy boıynsha Qaraǵandy memlekettik ýnıversıtetin bitirdi. Ekonomıka ǵylymdarynyń doktory, dotsent.
Á.Sultanǵazın eńbek jolyn QarMÝ-dyń komsomol komıtetinde bastaǵan. 1990-shy jyldary ol Qaraǵandy ákishiligi basshysynyń orynbasary qyzmetinde, sodan keıingi jyldary Qaraǵandy oblystyq qarjy basqarmasyn, Qaraǵandy oblysy ákiminiń orynbasary, Aqmola oblystyq qarjy basqarmasy basshysynyń orynbasary, QR Qarjy mınıstrliginiń qarjy júıesi qyzmetkerlerin daıarlaý, qaıta daıarlaý jáne qyzmetkerlermen jumys departamentiniń dırektory laýazymdaryn atqardy.
2000-2001 jyldary ol QR tabıǵı monopolııalardy retteý jáne básekelestikti qorǵaý Agenttigi tóraǵasynyń orynbasary boldy. 2001 jyldan bastap respýblıkalyq bıýdjettiń oryndalýyn qadaǵalaý jónindegi Esep komıtetiniń múshesi boldy. 2006 QR Qarjy mınıstrliginiń qarjylyq baqylaý jáne memlekettik satyp alý komıtetiniń tóraǵasy boldy.
2007 jyldyń qazan aıynda QR Qarjy mınıstrliginiń jaýapty hatshysy laýazymyna taǵaıyndalyp, 2008 jyldyń qyrkúıeginen zamestıtel predsedatelıa pravlenııa AO «Arna Medıa» Ulttyq aqparattyq holdıng» AQ basqarma tóraǵasynyń orynbasary qyzmetine aýysty. 2010-2012 jyldary ol «Ulttyq ınnovatsııalyq qor» AQ basqarma tóraǵasynyń orynbasary, 2012-2013 jyldary -AO «Ulttyq tehnologııalyq damý agenttigi» AQ basqarma tóraǵasynyń orynbasary. 2013-2014 j.j. Á.Sultanǵazın «Samuryq-Qazyna» korporatıvtik ýnıversıteti» aýtsorsıng sektorynyń saraptamalyq tobynyń qyzmetin basqardy.
2014 jyldan 2016 jylǵa deıin «Báıterek» UBH» AQ apparat basshysy, keıin - «Qazaqstan damý banki» AQ basqarma tóraǵasynyń keńesshisi qyzmetterin atqardy.
«Qurmet» ordenimen nagradtalǵan.