QR BǴM Ǵylym komıteti ǵylym salasyndaǵy syılyqtarǵa konkýrs jarııalady
ASTANA. QazAqparat - Qazaqstan Respýblıkasy Bilim jáne ǵylym mınıstrligi 2014 jylǵa jyl saıynǵy ǵylym salasyndaǵy syılyqtarǵa izdenýshilikke jáne memlekettik ǵylymı stıpendııalardy taǵaıyndaýǵa konkýrs jarııalaıdy.
Qazaqstan Respýblıkasynyń Úkimetiniń 2011 jylǵy 19 shildedegi №830 «Ǵylym salasyndaǵy syılyqtar men memlekettik ǵylymı stıpendııa týraly» Qaýlysynyń negizindegi ǵylym salasyndaǵy izdenýshilikke konkýrs kelesi syılyqtar boıynsha jarııalanady:
- jaratylystaný ǵylymdary salasyndaǵy úzdik ǵylymı zertteýi úshin Q.I.Sátbaev atyndaǵy bir syılyq; - gýmanıtarlyq ǵylymdar salasyndaǵy úzdik ǵylymı zertteýi úshin Sh.Ýálıhanov atyndaǵy bir syılyq; - pedagogıka salasyndaǵy úzdik ǵylymı zertteýi men jumysy úshin Y.Altynsarın atyndaǵy bir syılyq; - túrkologııa salasyndaǵy asa zor jetistikteri úshin Kúltegin atyndaǵy bir syılyq; - jaratylystaný ǵylymdary salasyndaǵy úzdik jumysy úshin jas ǵalymdarǵa arnalǵan D.A.Qonaev atyndaǵy bir syılyq; - gýmanıtarlyq ǵylymdar salasyndaǵy úzdik jumysy úshin jas ǵalymdarǵa arnalǵan M.O.Áýezov atyndaǵy bir syılyq; Sondaı-aq 75 memlekettik ǵylymı stıpendııany taǵaıyndaý úshin, onyń ishinde 50 talantty jas ǵalymdardy anyqtaý úshin jumystardy qabyldaý bastaldy. Konkýrs sharttaryn QR BǴM Ǵylym komıtetiniń sc.edu.gov.kz saıtyndaǵy «Memlekettik syılyqtar men stıpendııalar» bóliminen alýǵa bolady. Konkýrsty ótkizý týraly habarlandyrý 2014 jylǵy 20 tamyzdaǵy №161 «Egemen Qazaqstan» gazetinde jarııalandy.
QR BǴM Ǵylym komıteti qoıylǵan talaptarǵa sáıkes rásimdelgen qujattar men materıaldardy konkýrs jarııalanǵan kúnnen bastap 30 kún ishinde (avtorlardyń ózderinen nemese senim bildirgen tulǵalarynan) qabyldaıdy, dep habarlanǵan QR BǴM saıtynda.
