QR BǴM feık-aqparat taratqandardy izdestirip jatyr

ASTANA. QazAqparat - QR Bilim jáne ǵylym mınıstrliginiń Ǵylym komıteti jalǵan aqpart taratý faktileri týraly málimdedi, dep habarlaıdy «QazAqparat» HAA tilshisi.

Aǵymdaǵy jyldyń aqpan aıynda ǵylymı jumystardy granttyq qarjylandyrý baıqaýynyń nátıjesi jarııalanǵan soń, elimizdiń birqatar ǵalymdary ulttyq ǵylymı keńesterden, QR BǴM-nan, Ǵylymı komıtetten, basqa da memorgandar men BAQ ókilderinen daýly máseleni egjeı-tegjeıli túsindirip berýdi suraǵan bolatyn.

«Bul rette, ınternet-resýrstardyń birinde memlekettik organ qyzmetinde sybaılas jemqorlyq shemasy qurylǵany týraly jala jabylǵan posttar paıda boldy. Atalǵan aqparattardyń barlyǵy búrkenshik attarmen jazylǵan. Sonymen birge Ǵylym komıtetine ǵalymdar shaǵymdanyp, Memleket basshysynyń atyna jazylǵan hattyń sońyna olardyń qoldaryn ózge bireýler qoıǵanyn aıtty. Qoldanystaǵy zańnamaǵa baılanysty jalǵan aqparattyń taralýy jóninde quqyq qorǵaý oryndaryna shaǵymdanýymyzǵa týra keldi», - dep jazylǵan vedomstvo saıtynda jarııalanǵan málimdemede.

Komıtettiń málimdeýinshe, polıtsııa feık-akkaýnttar arqyly jalǵan aqparat taratqan adamdardy izdestirip jatyr.

«Daýly suraqqa baılanysty bizge júgingen ǵalymdarǵa qoıar eshqandaı kinámiz joq. Sondyqtan qalyń jurtshylyqtan jelilerde jalǵan aqparat taratpaýdy suraımyz», - dep jazylǵa vedomstvo saıtynda.

Foto: httptheopenasia.net