QR BǴM el mektepterine táýelsiz monıtorıng zertteýin bastaıdy
ASTANA. QazAqparat - QR BǴM Ulttyq bilim berý statıstıkasy jáne baǵalaý ortylyǵy 1-30 sáýir aralyǵynda elimizdiń barlyq aımaqtarynda «Qazaqstannyń jalpy bilim beretin mektepterindegi 9-synyp oqýshylarynyń bilim jetistikterin baǵalaý» táýelsiz monıtorıng zertteýin júrgizedi.
Belgili bolǵandaı, kompıýterlik formatta «Matematıka», «Jaratylystaný» jáne «Oqý saýattylyǵy» baǵyttary boıynsha testileý zertteýge qatysýshy 9-synyp oqýshylarynan, mektep dırektorlarynan, mektep muǵalimderinen saýalnama alýmen birge júredi.
Zertteýge barlyǵy 5 040 adam qatysady eken, olardyń ishinde mektep dırektorlary - 96, pán muǵalimderi - 944, jalpy bilim beretin mekteptegi 9-synyp oqýshylary - 4 000.
9-synyp oqýshylarynyń bilim jetistikteriniń qorytyndylary 2014 jylǵy shildede barlyq qatysýshylarǵa habarlanady. Sonymen birge qatysýshy mektepterge zertteý jabdyqtary beriledi.
