QR BǴM-da Qazaqstan tarıhyn oqytý saǵattaryn kóbeıtý máselesi sheshilýde
ASTANA. 14 maýsym. QazAqparat - Qazirgi tańda QR Bilim jáne ǵylym mınıstrligi janynan Qazaqstan tarıhy boıynsha oqý josparlaryn, oqý quraldary men ádebıetterin taldaý jónindegi jumys toby qurylǵan.
Bul týraly bilim vedomstvosynyń baspasóz qyzmeti habarlady.
Jumys tobynyń quramyna tanymal tarıhshy ǵalymdar, jetekshi joǵary oqý oryndarynyń ustazdary, ádiskerler, mektep muǵalimderi jáne qoǵam qaıratkerleri kirdi.
«Jumys tobynyń qorytyndysyna sáıkes, Qazaqstan tarıhy boıynsha oqý josparlary, oqý ádebıetteri men oqýlyqtarynyń mazmuny qaıta qarastyrylyp, olardyń negizinde biryńǵaı júıege sáıkes jańa oqýlyqtar ázirlenetin bolady. Sondaı-aq, atalmysh pándi oqytýǵa qarastyrylǵan saǵat sandaryn kóbeıtý máselesi qamtylǵan», - dep atap ótilgen baspasóz qyzmetiniń habarynda.
Saǵat sandaryn kóbeıtý máselesi boıynsha túpkilikti sheshim QR BǴM kezekti alqa jıynynda qabyldanatyn bolady, dep atap ótti vedomstvoda.
