QR BǴM bilim berý qyzmetin lıtsenzııalaý reglamentin bekitti
ASTANA. QazAQparat - Qazaqstan Respýblıkasy Bilim jáne ǵylym mınıstrliginiń buıryǵymen «Bilim berý qyzmetine lıtsenzııa berý» memlekettik kórsetiletin qyzmet reglamenti bekitildi. «QazAqparat» HAA qujattyń tolyq mátinin oqyrman nazaryna usynady.
Qazaqstan Respýblıkasy Bilim jáne ǵylym mınıstrliginiń buıryǵy №357
2015 jylǵy 2 maýsym, Astana qalasy
«Bilim berý qyzmetine lıtsenzııa berý» memlekettik kórsetiletin qyzmet reglamentin bekitý týraly
«Memlekettik kórsetiletin qyzmetter týraly» Qazaqstan Respýblıkasy Zańynyń 10-babynyń 2) tarmaqshasyna sáıkes buıyramyn:
1. Qosa berilip otyrǵan «Bilim berý qyzmetine lıtsenzııa berý» memlekettik kórsetiletin qyzmet reglamenti bekitilsin.
2. «Bilim jáne ǵylym salasyndaǵy memlekettik kórsetiletin qyzmetter reglamentterin bekitý týraly» Qazaqstan Respýblıkasy Bilim jáne ǵylym mınıstriniń 2014 jylǵy 20 maýsymdaǵy № 235 buıryǵynyń 1-tarmaǵy 5) tarmaqshasynyń (Normatıvtik quqyqtyq aktilerdi memlekettik tirkeý tiziliminde № 9604 bolyp tirkelgen, «Egemen Qazaqstan» gazetiniń 2014 jylǵy 30 qazanda № 212 (28435) sanynda jarııalanǵan) kúshi joıyldy dep tanylsyn.
3. Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy baqylaý komıteti (S.Nıýsýpov) zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) Qazaqstan Respýblıkasy Ádilet mınıstrliginde memlekettik tirkeýden ótken soń osy buıryqty resmı jarııalaýdy;
3) osy buıryqty Qazaqstan Respýblıkasy Bilim jáne ǵylym mınıstrliginiń resmı ınternet-resýrsynda ornalastyrýdy qamtamasyz etsin.
4. Osy buıryqtyń oryndalýyn baqylaý Qazaqstan Respýblıkasy Bilim jáne ǵylym vıtse-mınıstri T.O. Balyqbaevqa júktelsin.
5. Osy buıryq alǵashqy resmı jarııalanǵan kúninen keıin kúntizbelik jıyrma bir kún ótken soń qoldanysqa engiziledi.
Mınıstr A.SÁRІNJІPOV.
Qazaqstan Respýblıkasy Bilim jáne ǵylym mınıstriniń 2015 jylǵy 2 maýsymdaǵy №357 buıryǵymen bekitilgen.
Buıryq Qazaqstan Respýblıkasynyń Ádilet mınıstrliginde 2015 jylǵy 3 shildedegi Normatıvtik quqyqtyq kesimderdi memlekettik tirkeýdiń tizilimine №11563 bolyp engizildi.
«Bilim berý qyzmetine lıtsenzııa berý» memlekettik kórsetiletin qyzmet reglamenti mátini resmı BAQ-ta jarııalanǵan.
