QR BǴM basshysy jańa oqý jylyna mektep oqýshylary oqýlyqtarynyń tizimin bekitti
ASTANA. QazAqparat - QR Bilim jáne ǵylym mınıstri Erlan Saǵadıev jańa oqý jylyna mektep oqýshylary oqýlyqtarynyń tizimin bekitti.
«Bilim jáne ǵylym mınıstri Erlan Saǵadıevtiń tóraǵalyǵymen 2016-2017 oqý jylyna oqýlyqtarmen, oqý-ádistemelik keshenmen qamtamasyz etý máselesi boıynsha oblystar jáne Astana, Almaty qalalarynyń ákimdigimen iriktemeli keńes ótti. Keńes barysynda Mınıstr baspalarmen odan ári jumys jasaý, satyp alý jáne elimizdiń mektepterine jetkizý úshin baspalarǵa jáne jergilikti atqarýshy organdarǵa jiberiletin «Oqýlyqtardyń, oqý-ádistemelik keshenderiniń, quraldarynyń jáne basqa da qosymsha ádebıetterdiń, onyń ishinde elktrondyq jetkizgishtegileriniń tizbesin bekitý týraly» buıryqqa qol qoıǵandyǵyn aıtty», - delingen QR BǴM habarlamasynda. .
Óńirler Qazaqstanda kórsetilgen ulttyq mektepter úshin jeke oqýlyqtardy uıǵyr, ózbek jáne tájik tilderine aýdarý qajettigine kóńil bóldi. Óz kezeginde aýdarma jumystary baspalarmen jasalynatyndyǵy, al oqýlyqtarǵa ketetin ýaqyt oqýlyqtardy ýaqtyly jetkizýge áser etpeıtindigi atalyp ótti.
Keńes barysynda Erlan Saǵadıev BǴM Bilim jáne ǵylym salasyndaǵy baqylaý jáne Ǵylym komıtetterine baspalardyń is-áreketine, satyp alýlarǵa jáne oqýlyqtardy jetkizýge kúndelikti monıtorıng júrgizýdi jáne monıtorıng qorytyndysy boıynsha ár úsh kún saıyn mınıstrge tikeleı habardar etýdi tapsyrdy.
«Baspalarǵa aǵymdaǵy jylǵy 16 mamyrǵa deıin jergilikti atqarýshy organdarǵa oqýlyqtardyń sońǵy baǵasyn usynýdy tapsyrdy. Al ákimdikter aǵymdaǵy jylǵy 10 maýsym merzimine deıin oqýlyqtardy alýǵa baspalarmen tıisti sharttar jasaýy jáne mektepterge oqýlyqtardy ýaqtyly jetkizý máselesin qarastyrýy qajet», - dep naqtylady vedomstvonyń baspasóz qyzmeti. .
Keń jelisi arqyly ár oblystyń barlyq aýyldyq okrýgterine júkti jetkizý mindettemesin ózine alatyn «Qazposhta» ulttyq poshta operatory oqýlyqtardy jetkizý boıynsha óz qyzmetin usyndy, sonymen qatar on-line rejımde jetkizýge monıtorıng júrgizý ár mekteptiń oqýlyqpen qamtamasyz etilgendigine baqylaý júrgizýge múmkindik beredi. Mınıstr óz kezeginde «Qazposhta» ókilderine áleýmettik jaýapkershilik alýǵa jáne jetkizý qunyn tómendetýge shaqyrdy, dep atap ótedi QR BǴM.
