QR BǴM aımaqtardy ekonomıkanyń suranysyna sáıkes bilikti mamandarmen qamtamasyz etý jolyn aıqyndady
Bul týraly búgin Úkimet otyrysynda QR Prezıdentiniń «Bolashaq» halyqaralyq baǵdarlamasyn iske asyrý qorytyndylarymen tanystyrǵan atalǵan vedomstvo basshysy Baqytjan Jumaǵulov aıtty.
«Biz Qazaqstan-2050 strategııasynda qoıylǵan jańa mindetterdi oryndaýdy bastadyq. Atap aıtqanda, aımaqtardy ekonomıkanyń suranysyna sáıkes bilikti mamandarmen qamtamasyz etý», - dedi ol.
Osy rette B.Jumaǵulov bul máseleni sheshýdegi mınıstrlik mejelep otyrǵan baǵytty naqty atap ótti. Onyń aıtýynsha, Óńirlik damý mınıstrligi jergilikti atqarýshy organdarmen birlesip, jyl saıyn aımaqtyń mamandarǵa suranysy boıynsha maqsatty ótinim (zaıavka) jasaıdy. Al Bilim jáne ǵylym mınıstrligi olardy aımaqtaryna qaıtara otyryp, baǵdarlamalyq-maqsatty daıarlaýdy úılestiredi.
«Osyǵan baılanysty Bilim jáne ǵylym mınıstrligi men Óńirlik damý mınıstrligi arasynda memorandým jasaýdy oryndy dep esepteımiz», - dedi vedomstvo basshysy.
