QR BǴM: Ata-analardyń nemquraıdylyǵy úshin jazany kúsheıtý problemany sheshpeıdi
ASTANA. QazAqparat - QR Bilim jáne ǵylym mınıstrligi Balalar quqyǵyn qorǵaý komıtetiniń tóraıymy Zabıra Orazalıevanyń paıymynsha, jazany kúsheıtkenimen, ol ata-analardyń nemquraıdylyǵy problemasyn sheshpeıdi.
«Qazaqstan qosylǵan birqatar halyqaralyq konventsııalar bar. Sondyqtan bundaı talaptardy barsha álem ustanyp otyr jáne ony elimizde qataıtqanymyz durys bolmas. Óıtkeni álemdik tájirıbe bar. Jaýapkershiligi joq ata-analarǵa qatysty máseleler alańdatady, degenmen ony qatań jaza ádisimen sheshýge bolmaıdy», - dedi ol búgin Astanada ótken atalǵan komıtet janyndaǵy úkimettik emes uıymdardyń konsýltatıvtik keńesiniń keńeıtilgen otyrysynda. Z.Orazalıevanyń paıymynsha, jaýapkershiliksizdik tanytqan ata-analarǵa qatysty túsindirý men eskertý sharalaryn keńinen qoldanǵan durys. «Jazany kúsheıtip, mysaly, balanyń ákesin bas bostandyǵynan aıyrǵannan ne utamyz? Nátıjesinde bala uzaqqa ákesiniń qamqorlyǵynsyz qalady. Meniń oıymsha, osyndaı jaǵdaılar bolmas úshin eskertý sharalaryn qoldaný kerek»,- dedi ol.
