QR BǴM ata-analar aldynda onlaın rejıminde qoǵamdyq tyńdaýlar ótkizedi
ASTANA. QazAqparat - QR Bilim jáne ǵylym mınıstrligi oblystyq, Astana jáne Almaty qalalarynyń jergilikti atqarýshy organdary ókilderiniń qatysýymen «1sabak.kz» («Ministerstvo» kabıneti) saıtynda ata-analar qoǵamdastyǵynyń aldynda onlaın rejıminde qoǵamdyq tyńdaýlar (ashyq baıandamalar) ótkizedi. Bul týraly QR BǴM-niń saıtynan habarlaıdy.
Tyńdaýlar Premer-mınıstr orynbasarynyń 2015 jylǵy 20 shildede № 20-5/05-1243 «Jalpy ortasha bilim berý uıymdaryndaǵy tárbıelik jumys týraly» keńesindegi hattamalyq tapsyrmalardy oryndaý jáne ata-analardyń bilim berý protsesindegi rólin odan ári kúsheıtý maqsatynda ótedi.
Qoǵamdyq tyńdaýlardyń maqsaty - ata-analardyń óskeleń urpaqtyń azamattylyǵy men áleýmettik jaýapkershiligin qalyptastyrýdaǵy rólin belsendirý. Ashyq baıandamalardy usynýdyń mindetteri - qoǵamdyq ınstıtýttardyń otbasy men mekteptiń balanyń jeke basyn tárbıeleýdegi ózara yqpaldastyǵynyń negizgi strategııalyq baǵyttaryn shyǵarý úshin kúshterin biriktirý, ata-analar qoǵamdastyǵynyń respýblıkanyń bilim berý uıymdarynyń oqý-tárbıeleý protsesindegi rólin arttyrý jáne bilim berý mekemelerin basqarý jáne bilim berý protsesinde ata-analardyń quqyqtaryn iske asyrý.
Onlaın-sharanyń maqsatty aýdıtorııasy - ata-analar qoǵamdastyǵynyń ókilderi, pedagogtar men bilim berý uıymdarynyń basshylary, bilim berý bólimderi men basqarmalary, aýmaqtyq ákimdikterdiń ókilderi, kámelettik jasqa jetpegender jáne olardyń quqyǵyn qorǵaý isi boıynsha aýmaqtyq komıssııalardyń músheleri, úkimettik emes uıymdar men birlestikterdiń ókilderi, BAQ.
Qoǵamdyq tyńdaýdyń ótkizilýin iske asyrý pedagogtar men ata-analardyń bilim berý protsesindegi bilim berý qajettilikteri men pozıtsııalaryn shyǵarýǵa, otbasy men mekteptiń tıimdi yntymaqtastyǵyn odan ári damytý baǵytyn anyqtaýǵa, otbasy men mekteptiń ózara yqpaldasýynyń shyǵarylǵan baǵdarlamalarynyń iske asyrylýyn taldaý múmkindigin beredi. Pikirtalas ata-analardyń pikirin eske alyp, tárbıe berý baǵdarlamalaryna túzetýler engizýge, otbasymen ózara yqpaldasýdyń nátıjeli ári ınnovatsııalyq úlgilerin únemi izdep otyratyn pedagogtardyń mártebesin ósirýge, pedagogıkalyq tájirıbeni jınaqtaý úshin jaǵdaı jasaý, mektep ómirine belsendi qatysyp júrgen ata-analardy marapattaýǵa múmkindik beredi.
Qatysýshylar qoǵamdyq tyńdaýlar ótkiziletin kúni tirkeledi (bastalýyna 15-30 mınýt qalǵanda). Tyńdaýlardy jergilikti atqarýshy organnyń ókili ashady. Keńes barysynda ornatylǵan tártipke sáıkes nıet bildirgenderdiń bári sóz sóılep, baıandamashylarǵa suraqtar qoıady. Baıandamashylar qoǵam ókilderiniń suraqtaryna jaýap beredi.
Birinshi tyńdaý ótkiziletin kún: 2015 jyldyń 4 qarashasy, saǵat 11:00-de.
