QR BǴM: Áleýmettik jelilerde tarap jatqan aqparat - jalǵan
ASTANA. QazAqparat - Áleýmettik jeliler men messendjerlerde tarap jatqan Keńes úkimeti bilim júıesiniń batystyq júıeden artyqshylyǵy týraly aqparat - jalǵan, dep habarlaıdy QR Bilim jáne ǵylym mınıstrliginiń baspasóz qyzmeti.
«Qazir áleýmettik jeliler men messendjerlerde (Whats App jáne t.b.) "Ulybrıtanııa mektepteri keńestik bilim júıesine kóshýin aıaqtady" degen taqyrypta jalǵan aqparat taratylyp jatyr. Maqalada Keńes úkimeti bilim berý júıesiniń batystyq júıeden artyqshylyǵy jaıly aıtylǵan» delingen habarlamada.
Vedomstvo taratqan málimetke saı, aqparatty faktchekıng arqyly tekserý barysynda materıal Reseıdiń satıralyq "Panorama" basylymynyń kezekti feıki ekendigi anyqtaldy.
Amerıkalyq saıttarda da mundaı aqparat taratylmaǵan.
Satıralyq "Panorama" basylymy - ıýmorlyq feleton-jańalyqtar saıty. Olar maqsatty túrde halyqty adastyrýǵa baǵyttalǵan aqparattar jazady. Bastapqy bettiń tómen tusynda "Eskertý" bólimi ornalastyrylǵan. Onda saıt avtorlary bylaı dep məlimdeıdi: "Panorama.pub saıtynda keltirilgen materıaldardyń barlyǵy ereksheliksiz satıra, əri oıdan qurastyrylǵan".
