QR BǴM: 300-den astam qazaqstandyq sheteldiń JOO-larynda tegin bilim alady
Olar Qazaqstan men basqa elder arasynda Bilim jáne ǵylym mınıstrliginiń bastamasymen jasalǵan úkimetaralyq kelisim sheńberinde tegin oqı alady. ıAǵnı, Majarstan, Polsha, Qytaı, Ýkraına, Slovakııa, Ázirbaıjan jáne Vetnam ýnıversıtetterinde tegin oqý múmkindikteri bar.
Ortalyq Azııa elderi arasynda Qazaqstanǵa eń kóp bilim grantyn Majarstan bólip otyr — 250, Qytaı – 47, Polsha – 11, Ýkraına – 10, Slovakııa – 3, Ázerbaıjan – 8, Vetnam – 1. Granttar bakalavrıat, magıstratýra, doktorantýra jáne rezıdentýra baǵdarlamalary boıynsha bólinedi.
«Áńgimelesý barysynda árbir úmitkerge mamandyq tańdaýǵa degen yntasy men jigeri, teorııalyq bilimi men oqýdaǵy nemese tańdaǵan mamandyǵy salasyndaǵy jetistikteriniń deńgeıin anyqtaý úshin suraqtar qoıyldy. Sondaı-aq biz oılaý logıkasynyń deńgeıin, sóıleý sapasyn, kez-kelgen jaǵdaıdaǵy máselelerdi sheshý boıynsha úmitkerlerdiń jeke qasıetteri men daǵdylaryn baǵaladyq. Bilim berý granttaryn taǵaıyndaý týraly túpkilikti sheshimdi qabyldaýshy tarap qabyldaıdy», – dedi QR BǴM Halyqaralyq baǵdarlamalar ortalyǵynyń prezıdenti Aınur Káribozova.
Úmitkerlerdi irikteýdi depýtattar, sarapshylar, ınjenerlik-tehnıkalyq, medıtsınalyq, gýmanıtarlyq jáne jaratylystaný ǵylymdarynyń doktorlarynan quralǵan táýelsiz komıssııa júrgizdi.
Táýelsiz saraptama komıssııasy negizgi jáne rezervtik tizimge shet tilin bilý deńgeıi, bilimi týraly qujattyń ortasha baly jáne áńgimelesýdiń ortasha baǵasynyń jıyntyǵy boıynsha eń joǵary ortasha ball jınaǵan úmitkerlerdi engizdi.
