QR BǴM: 12 jyldyq bilim berýge kóshý 2015 jyldan keıinge ysyrylmaıdy
ASTANA. 9 jeltoqsan. QazAqparat - 12 jyldyq bilim berýge kóshý 2015 jyldan keıinge ysyrylmaıtyn bolady. Búgin Májiliste ótken Úkimet saǵatynda Bilim jáne ǵylym mınıstri Aslan Sárinjipov osylaı málim etti.
«Memlekettik baǵdarlamaǵa sáıkes, 12 jyldyq bilim berýge kóshý 2015 jylǵa belgilengen. Biz bul merzimdi buzbaımyz jáne 2015 jyly naqty kóshemiz. Alaıda, demografııa máselesine kelsek, bizdiń elimizdegi orta mektepterde 11 jastan joǵary balalar sanynyń ósetini belgili. Mine, osy tolqyn orta mektepterge. Degenmen, joǵary oqý oryndarynda - ýnıversıtetter men kolledjderde kerisinshe tómen kórsetkish bar. Bul da 90-jyldardaǵy demografııalyq quldyraýdyń jańǵyryǵy. Sondyqtan da, bizde kolledjder men joǵary oqý oryndarynda bos oryndar shyǵyp ta jatyr», - deıdi mınıstr.
Osyǵan oraı, vedomstvo basshysy 2015 jyldan bastap jalpy bilim berý mektepterinde 12 jyldyq bilim berýdiń standarttary birinshi synyptan engiziletinin alǵa tartty. Sonymen qosa, 5-9-synyptarda oqý baǵdarlamalary birge jańartyla bastaıdy, al 12-synypty negizinen jan basyna shaǵyp qarjylandyrylatyn joǵary oqý oryndarynyń bazasynda engizý josparlanady.
