QR Baılanys jáne aqparat mınıstrliginiń Sıtýatsııalyq ortalyǵy tanystyryldy
TANA. 26 qazan. QazAqparat /Marlan Jıembaı/ - Búgin QR Baılanys jáne aqparat mınıstrliginiń Sıtýatsııalyq ortalyǵynyń tanystyrylymy ótti.
Ortalyq «beıne-onlaın» rejiminde halyqqa qyzmet kórsetý ortalyqtarynyń jumysyn baqylaýǵa múmkindik beredi.
Qazirgi tańda atalǵan ortalyqqa Almaty, Jambyl, Ońtústik Qazaqstan, Shyǵys Qazaqstan oblystarynyń jáne Almaty qalasynyń 51 halyqqa qyzmet kórsetý ortalyǵy qosylǵan. Mınıstrlik jyl sońyna deıin olardyń sanyn 161-ge jetkizbek.
Sonymen qatar ol HQKO-lardyń jumystaryn baqylaýmen qatar beıne-konferentsııalar uıymdastyryp, vedomstvolyq mekemelermen keńes ótkizýge, HQKO qyzmetkerlerin qashyqtan turaqty túrde oqytýǵa múmkindik beredi. Bolashaqta ortalyq jáne jergilikti memlekettik organdar basshylarynyń beıne-konferentsııa baılanysy arqyly azamattardy qabyldaýy da uıymdastyrylmaq.
Ortalyqtyń taǵy bir múmkinshiligi memlekettik qyzmetterdi alýǵa zańdy jáne jeke tulǵalar bergen ótinishterdiń sanyn esepke alyp, onyń oryndalýyn shynaıy ýaqyt rejiminde qadaǵalaýǵa jol ashady.
