QR baılanys jáne aqparat mınıstrligine «Mınıstrliktiń áreketsizdigin zańsyz dep taný týraly» talap-shaǵym boıynsha sot otyrysyna talapker kelgen joq
ASTANA. Mamyrdyń 26-sy. QazAqparat - QR baılanys jáne aqparat mınıstrligi «Erkin Internet úshin» kompanııasynyń BAQ-ta jarııalanǵan úndeýimen jáne materıaldarmen, «Respýblıka» gazetiniń portalyna qoljetimdikti qalpyna keltirý boıynsha áreketsizdigi jáne sharalar almaǵany jónindegi aıyptaýlarmen mınıstrlikke qarsy 121 talap shaǵym berilgeni týraly 2010 jylǵy mamyrdyń 20-synda Almaty qalasynda otandyq ınternet-provaıderler ótkizgen baspasóz máslıhatynyń nátıjelerimen tanysty.
Osyǵan baılanysty QR baılanys jáne aqparat mınıstrligi búgingi kúni resmı túrde Almaty qalasy Medeý aýdandyq sotynan Raýshan Nurqanqyzy Esirkepovanyń azamattyq isi boıynsha Qazaqstan Respýblıkasynyń baılanys jáne aqparat mınıstrligine «Mınıstrliktiń áreketsizdigin zańsyz dep taný týraly» talap-shaǵymy boıynsha 1 talap-shaǵym túskenin habarlaıdy. Alaıda talapker 2010 jylǵy mamyrdyń 20-synda talap etken jerge belgilengen bul talap-shaǵym boıynsha sot otyrysyna kelgen joq.
Qazaqstan Respýblıkasy Azamattyq protsessýaldyq kodeksiniń 169-babyna sáıkes mınıstrlik mundaı shaǵymdardy sot organynan talapkerdiń talaptary negizdelgen qujattary jalǵanǵan talap-shaǵymy kóshirmesin nemese shaqyrý qaǵazyn alǵannan keıin ǵana qaraýǵa qabyldaıdy.
Búgingi tańda sot organdarynan mınıstrlikke basqa talap-shaǵymdar túsken joq.
