QR Baılanys jáne aqparat mınıstrligi otandyq ınternet-dúkenderge qazaqstandyqtardyń senimin arttyrýǵa baǵyttalǵan bastamalardy qoldaýǵa daıyn - A.Jumaǵalıev
ASTANA. Qyrkúıektiń 7-si. Qazaqstan Respýblıkasynyń Baılanys jáne aqparat mınıstri Asqar Jumaǵalıev dúısenbi kúni Kaznetti damytý jónindegi kezekti keńes ótkizdi,
dep habarlaıdy vedomstvonyń baspasóz qyzmeti.
Keńes Baılanys jáne aqparat mınıstrliginiń, «Kazkontent» AQ ókilderiniń jáne «Qazaqstan Internet Assotsıatsııasy» ZTB músheleriniń qatysýymen ótti. Kezdesý barysynda Qazaqstanda hostıngti, pırıngtik qatynastardy, elektrondyq kommertsııany damytý úshin jaǵdaıdy jaqsartýǵa qatysty máseleler talqylandy.
Eske salatyn bolsaq, hostıngti damytý máselesi osy maýsymdaǵy kezdesýde kóterilgen bolatyn. Onda «Kazkontent» AQ «Qaztelekom» AQ jelilerine jeńildetilgen qoljetimdilikti hostıng-alańdaryn qamtamasyz etý, sondaı-aq, «megalaınerler» úshin olardyń resýrstaryn «ishki» etip jasaýdy usynǵan bolatyn.
Kezdesý barysynda «Qaztelekom» AQ kommertsııalyq dırektory Asqar Eserkegenov «Internet-trafıkpen almasý ortalyǵy» qaýymdastyǵyna kiretin kompanııalardyń alańdarynda ornalasqan abonentterge áleýmettik paıdasy bar saıttarǵa tegin kirýi úshin múmkindik berýge degen daıyndyǵyn habarlady.
Balamaly hostıng alańdary ókilderiniń pikirinshe, «Qazaqtelekom» usynysy - Kaznetti damytý isindegi alǵa basqan taǵy bir qadam. Mınıstr múddeli taraptarǵa onyń iske asyrylýyn sozbaýdy jáne usynysty is júzinde kórsetý úshin pılottyq saıttardy jedel anyqtaýdy usyndy.
«Kazkontent» AQ tóraǵasy Azamat Omarov Alma TV, STS jáne Bazıs-telekom kompanııalary «Qazaqstandyq biryńǵaı ınternet-keńistik qurý» týraly jáne oǵan basqa naryq múshelerin qosý perspektıvalary týraly kelisimge aǵymdaǵy jylǵy tamyzdyń 16-synda qol qoıǵany týraly baıandady.
Ol «álemdik tájirıbe kórsetkendeı, osyndaı shaǵyn balamaly Internet-provaıderlerdiń yntalary pırıngtik qatynastardy jáne Internet jelisiniń lokaldy segmentterin damytýdyń bastamasy» - dep atap ótti.
Májilis aıasynda Asqar Jumaǵalıev Qazaqstanda elektrondyq kommertsııany damytýǵa úlken kóńil bólintindigin atap ótip, «e-kommertsııany damytý qazaqstandyq ekonomıkany reformalaýdyń, álemdik ekonomıkaǵa yqpaldastyrýdyń jáne básekege qabilettiligin arttyrýdyń qýatty jáne tıimdi quraldarynyń biri bolýy múmkin» - dedi.
«AWARD.kz ulttyq ınternet-syılyq» Qoǵamdyq qorynyń dırektory Konstantın Gorjankınnyń sózinshe, «Internet-paıdalanýshylar úshin elektrondyq kommertsııany damytý - bul bárinen buryn - jahandyq tańdaý, usynystardy jyldam salystyrýdyń múmkinshiligi, operatsııalardy júzege asyrýdyń jáne baǵalardy tómendetýdiń qolaılyǵy».
Baılanys mınıstrliginiń basshysy habarlaǵandaı, búgingi kúni mınıstrlik osy máselege kóp kóńil bólýde. Qurylǵan «elektrondyq úkimettiń tólem shlıýziniń» arqasynda, búginde portal arqyly azamattar keıbir qyzmetterge tapsyrys berip, salyqtardy tóleı alady. Sonymen qatar, Mınıstr onlaın-da tóleýge bolatyn servıster men qyzmetterdiń sany únemi artatynyn atap ótti.
Alaıda, eger Internet-dúkender týraly aıtatyn bolsaq, bul baǵytta Kaznettegi elektrondyq kommertsııa damymaǵan. Ádette, qazaqstandyq saıttardan Siz taýardy tańdaı alasyz, al aqshalaı tóleý múmkindigi taýardy alǵannan keıin ǵana paıda bolady. Sebebi tólemdik servıstermen biryńǵaı ıntegratordyń joq bolýynda, - deıdi Gorojanın.
Biryńǵaı ıntegratordyń joq bolýy - elektrondyq kommertsııa tabysynyń negizi bolsa da, jalǵyz quraly emes. Oǵan Internet qoljetimdiliginiń dárejesin, tólemniń yńǵaıly quraldarynyń bar bolýyn, jetkizýdiń yńǵaıly jáne qymbat emes tásilderin jáne dúkenderge ınternet-satyp alýshylardyń senim máselesin jatqyzýǵa bolady.
Elektrondyq kommertsııany damytýdaǵy bógettiń biri zańnamada elektrondyq aqsha túsiniginiń joq bolýy, ol tıisti Zańdy qabyldaýmen paıda bolýy tıis.
Kezdesýdiń barysynda Internet-dúkenderge qazaqstandyqtardyń senimin arttyrý úshin «Senimdi dúken» qaýymdastyǵyn qurý týraly usynys aıtyldy. Qaýymdastyqtyń negizgi róli - elektrondyq kommertsııa salasynynyń bedeldi sarapshylardy tartý arqyly barlyq qazaqstandyq Internet-dúkenderdi baǵalaý. Óz kezeginde olar Internet-dúkender qyzmetiniń barlyq aspektilerin baǵalaıtyn kópfaktorly júıeni paıdalanyp, saıttarda telefon nómirleriniń jáne basqa da keri baılanys elementteriniń, jetkizý júıesiniń, tólemder túrleriniń, tehnıkalyq qoldaý qyzmeti ókilderiniń nıettestiliginiń jáne t.b. qyzmetter paıda bolady. Sonymen birge kez kelgen ınternet-dúkenniń baǵalarymen tanysa alatyn jáne buryn paıdalanǵan qyzmetterge daýys bere alatyn ınternet-resýrs qurylatyn bolady.
Asqar Jumaǵalıev mınıstrlik otandyq ınternet-dúkenderge qazaqstandyqtardyń senimin arttyrýǵa baǵyttalǵan bastamalardy qoldaýǵa daıyn ekendigin aıtyp, óz sózin qorytyndylady.
