QR Baılanys jáne aqparat mınıstrligi Internet tarıfterin josparly túrde tómendetý jumystaryn jalǵastyrady - A.Jumaǵalıev
ASTANA. Maýsymnyń 9-y. QazAqparat - QR Baılanys jáne aqparat mınıstrligi Internet jelisine keńjolaqty qoljetimdilik ınfraqurylymyn damytý jáne tarıfterdi josparly túrde tómendetý jumystaryn jalǵastyrady. Bul týraly vedomstvo basshysy Asqar Jumaǵalıev QR memlekettik organdary basshylarynyń http://blogs.e.gov.kz/blogs/Zhumagaliev_a. saıtyndaǵy resmı blog-tuǵyrnamasynda habarlady.
«Biz ınternetke kirý ınfraqurylymyn eń jańa ınfokommýnıkatsııalyq tehnologııalardy paıdalana otyryp damytý jumysyn, árıne, jalǵastyramyz jáne tarıfterdi josparlaǵandaı tómendetip otyramyz», - dep atap ótti mınıstr óziniń blogynda.
Mınıstrdiń jazýyna qaraǵanda, operatorlardy tolǵandyratyn suraqtardyń biri - 3G baılanys qyzmetiniń engizilýi. «Bizdiń paıymdaýymyzsha, bul standartty engizýge baılanysty Internet jelisiniń paıdalanýshylar sany kóbeıýi tıis. Qajetti jıilik dıapazon bosatyldy, biraq operatorlar radıojıilik spektrmen paıdalanýǵa, kerekti somany bıýdjetke tólemgendikten, ruqsat alǵan joq», - dep atap ótti A.Jumaǵalıev. - «Olardyń oıynsha, tólemniń mólsheri (baǵa- agenttiktiń eskrtpesi) óte úlken. Biz jaǵdaıdy túsinip, qazir bul máseleni tıisti memlekettik organdarmen qarastyryp jatyrmyz. Biraq, men birneshe ret aıtqanymdaı, uıaly baılanys kompanııalarynan, tarıfterdi tómendetý sııaqty qadamdar kútemin», - dep atap ótedi mınıstr.
Bul jaıynda tolyq aqparatty http://blogs.e.gov.kz/blogs/Zhumagaliev_a saıtynan oqı alasyzdar.
