QR Baılanys jáne aqparat mınıstri vedomstvo ujymyna óziniń jańa orynbasaryn tanystyrdy
ASTANA. 7 qarasha. QazAqparat - Búgin QR Baılanys jáne aqparat mınıstri Asqar Jumaǵalıev apparat jıyny barysynda vedomstvo qyzmetkerlerine óziniń jańa orynbasary Lázzat Tanysbaıdy tanystyrdy,
dep habarlady mınıstrliktiń baspasóz qyzmetinen.
L.Tanysbaı 1973 jyly týǵan. 1993 jyldan bastap telearnalarda jumys istegen. QR baılanys jáne aqparat vıtse mınıstri bolyp taǵaıyndalǵanǵa deıin «Qazaqstan» respýblıkalyq teleradıo korporatsııasy» AQ basqarma tóraǵasynyń orynbasary qyzmetin atqarǵan. Onyń «Habar» agenttiginde, QR Mádenıet jáne aqparat mınıstrligi Aqparat jáne muraǵat komıtetinde, QR Prezıdenti Ákimshiliginde jumys tájirıbesi bar.
Otandyq buqaralyq aqparat quraldaryn jańa sapaly deńgeıge kóterý máselesine basa nazar aýdarǵan A.Jumaǵalıev jańa vıtse- mınıstrdiń aldyna aqparat salasyn damytý boıynsha naqty tapsyrma júktedi.
