QR Baılanys jáne aqparat mınıstri Qazaqstannyń TUQ múshelerimen otandyq teledıdardyń problemalaryn talqylady
ASTANA. Maýsymnyń 23-i. QazAqparat - Búgin QR Baılanys jáne aqparat mınıstri Asqar Jumaǵalıev Qazaqstannyń teleradıotaratý ulttyq qaýymdastyǵynyń (TUQ) múshelerimen keńes ótkizdi, dep habarlaıdy QR Baılanys jáne aqparat mınıstrliginiń baspasóz qyzmeti.
Kezdesý barysynda qatysýshylar otandyq teledıdardyń problemalaryn talqylady. Mınıstr basa nazar aýdarǵan másele, memlekettik tilge qatysty zańdylyqqa baılanysty boldy. Onyń aıtýynsha, ózi basqaratyn vedomstvonyń júrgizgen monıtorıngi elektrondyq BAQ-tyń negizgi bóligi ol normalardy saqtamaıtyny belgili bolyp otyr. Aldaǵy kúnderi, dedi A.Jumaǵalıev, barlyq taratýshylarǵa QR zańdylyǵynyń talaptaryn óreskel buzǵandyǵy jóninde tıisti usynymmmen habardar etiledi. Óz kezeginde «Qazaqstan TUQ» prezıdenti Nurjan Muhmedjanova bul baǵyttaǵy máseleniń áli kúnge deıin kókeıkestiligin joǵaltpaı kele jatqanyn, jáne bul baǵytta qaýymdastyqtyń jumys atqaratynyn atap ótti.
Taratýshylardyń usynystaryn muqııat tyńdaǵan baılanys jáne aqparat mınıstrliginiń basshysy telearnalardyń azamattyq jaýapkershiligi týraly da syr shertti. «Sizder qoǵamdyq sanany qalyptastyrasyzdar, sondyqtan bizdiń qoǵamnyń moraldyq-etıkalyq ustanymdaryn buzbaýlaryńyz kerek», - dep túsindirdi A.Jumaǵalıev. - Sizder taratyp otyrǵan habarlar arqyly bizdiń urpaǵymyz ósip keledi».
Kezdesý sońynda A.Jumaǵalıev baılanys operatorlary keńesi men BAQ ókilderiniń redaktorlarymen bolatyn sekildi, osyndaı kezdesýlerdi aı saıyn ótkizý týraly usynys aıtyp, barlyq qatysýshylardy kele jatqan Baspa, televıdıdar jáne radıo kúnimen shyn júrekten quttyqtaı kele, shyǵarmashylyq tabystar tiledi.
