QR Baılanys jáne aqparat mınıstri Asqar Jumaǵalıev óńirlik elektrondyq BAQ basshylarymen kóshpeli májilis ótkizdi

dep habarlaıdy mınıstrliktiń baspasóz qyzmeti.

Óziniń kirispe sózinde mınıstr májilistiń mańyzdylyǵyn atap ótti. «Men áldeneshe ret otandyq medıakeńistik problemalary men perspektıvalaryn talqylaý úshin respýblıkalyq BAQ basshylarymen kezdestim. Búgin biz óńirlik BAQ-men kezdesýdi sheshtik, sebebi olardyń mańyzdylyǵyn túsinemiz». Sonymen qatar, Baılanys mınıstrliginiń basshysy osy kezdesýdiń arqasynda Mınıstrlik óńirlik BAQ damytýǵa kedergi bolatyn problemalardy anyqtaýǵa nıetti.

Kezdesý barysynda mınıstr birqatar ózekti máselelerge nazar aýdardy. Bárinen buryn ol óńirlik habar taratýshylarǵa jalpy baǵdarlamalaý jáne kontent deńgeıiniń sapasyna nazar aýdarý qajet ekenin ańǵardy. Óńirlik telearnalardyń habar taratý torlarynda menshikti óndiris baǵdarlamalarynyń qatysqanyna oń baǵa berdi, ol sonymen qatar, habar taratýshylar til teńgerimi týraly umytpaýy tıis ekenin, sebebi osy másele Mınıstrlikte erekshe baqylaýda turǵanyn atap ótti. Respýblıkalyq telearnalar endigi jerde óziniń efırinde tilder týraly zańnamany buzý jónindegi ahýaldy túzetýge tıisti nusqama alǵanyn eske saldy.

Baılanys jáne aqparat vıtse-mınıstri Nuraı Orazov qatysýshylarǵa «Teleradıo taratylym týraly» zań jobasymen jumystardyń nátıjeleri týraly, sondaı-aq, onyń osy sala úshin tikeleı mańyzdylyǵy týraly habarlap, teleradıo taratylymdy damytý taqyrybyn jalǵastyrdy. Vıtse-mınıstr zań jobasynda kóptegen máseleler, mysalǵa, sandyq taratylymǵa kóshýge qatysty, sonymen qatar salany damytý úshin asa mańyzdy basqa máselelerdi retteıtin bolady. Nuraı Orazovtyń pikiri boıynsha, osy kezdesýler óńirlik BAQ damytý úshin mańyzdy qujatqa tolyqtyrý engizýge múmkindik beredi.

Kezdesý barysynda óńirlik habar taratýshylar mınıstrge saýaldar qoıdy. Sebebi, mundaı májilis Qazaqstan televızııasynyń tarıhynda alǵashqy ret ótti, onda kóp nárseler týraly aıtýǵa múmkindik týdy. Mysaly, óńirlik telearnalardyń sandyq habar taratýyna kóshý úderisi qatty alańdatatyny anyqtaldy. Mınıstr, STV-ge kóshken kezde báskelestikke qabilettiliktiń negizgi faktory kontenttiń taratylatyn telearnalardyń sapasy men mańyzdylyǵy bolatynyn túsindirdi.

«Qazaqstan-Karaǵandy» RTRK AQ» fılıalynyń dırektory Berik Dúısetaev menshikti kontenti men fılıal qyzmetiniń damýy týraly aıtyp, kezdesý aıasynda baıandama jasady. Ol bılik ókilderi óńirlerdiń problemalary týraly jedel jáne naqty aqparat alatyn baılanys arnasy -óńirlik televızııasynyń mańyzdylyǵyn atap ótti. «First Media Group» óńirlik telekompanııalar tobynyń bas dırektory B. Álibekov óńirlik televızııalyq jáne radıo habar taratýdy damytýdyń ózekti máseleleri týraly áńgimeledi.

Óńirlik BAQ damytýdyń problemalary men perspektıvalaryn talqylaı kele, kezdesýdiń barlyq qatysýshylary Memorandýmǵa qol qoıdy, onyń negizgi ıdeıasy jastardy rýhanı adamgershilikke jáne áleýmettik jaýapkershilikke tárbıeleý.

Kezdesýdiń sońynda qatysýshylar óńirlerge Mınıstrlik tarapynan nazar aýdarǵanyna rızashylyǵyn bildirip jumystyń ónimdi ádistemelerin paıdalanǵany úshin Asqar Jumaǵalıevke alǵys bildirdi. Óz kezeginde Mınıstr osyndaı májilister dástúrge aınalatynyna senim bildirdi.