QR batysynda naızaǵaı oınap, ótkinshi jańbyr jaýady - 24 sáýirge arnalǵan aýa raıy boljamy
ASTANA. 23 sáýir. QazAqparat - Qazaqstannyń kóptegen aýmaǵynda antıtsıklon yqpaly saqtalady, sol arqyly 24 sáýir kúni jaýyn-shashynsyz aýa raıy kútilýde.
Respýblıkanyń tek batysynda ǵana atmosferalyq frontaldyq bólikterdiń ótýimen naızaǵaı men ótkinshi jańbyr bolatyny kútilip otyr, dep habarlaıdy Qazgıdrometke silteme jasaǵan TJM-niń baspasóz qyzmetinen.
Almaty, Jambyl, kúndiz Pavlodar oblysynda keıbir jerlerde 15-22 m/s deıin soǵatyn jel kútiledi.
Ońtústik Qazaqstan, Qyzylorda oblystarynda - keıbir jerlerde shańdy daýylmen birge 15-20 m/s deıin jeldiń kúsheıýi kútilýde.
Túnde Mańǵystaý, kúndiz Batys Qazaqstan oblysynda keıbir jerlerde naızaǵaı oınap, Mańǵystaý oblysynda keıbir jerlerde tuman túsedi.
Jaqyn táýlikterde respýblıkanyń ońtústik, ońtústik-shyǵysynda jáne shyǵysynda sýlylyqtyń aýytqýlary kútiledi. Jaıyqta tasqyndardyń birte-birte damýy baıqalady.
