QR batysy men shyǵysynda jel kúsheıip, jańbyr jaýady - 9 qazanǵa arnalǵan aýa raıy boljamy
ASTANA. 8 qazan. QazAqparat - 9 qazanda Qazaqstannyń basym bóligi antıtsıklonnyń yqpalynda bolady, soǵan baılanysty aýa raıy jaýyn-shashynsyz bolady dep kútilýde, dep habarlady Qazgıdrometke silteme jasaı otyryp, QR TJM-niń baspasóz qyzmeti.
Respýblıkanyń batysy men shyǵysynda keı jerlerde jańbyr jaýyp, tuman túsedi, 15-20 m/s jyldamdyqpen jel soǵady.
Atyraý, Pavlodar, kúndiz Batys Qazaqstan, Shyǵys Qazaqstan oblystarynda jekelegen jerlerde 15-20 m/s jyldamdyqpen jel soǵady.
Atyraý, Qostanaı, Soltústik Qazaqstan oblystarynda túnde jáne tańerteń keı jerlerde tuman túsedi. Respýblıkanyń ońtústik, keı jerlerde ońtústik-shyǵysynda tótenshe joǵary órt qaýpi saqtalady.
Aldaǵy táýlikterde Batys Altaıdyń ózenderinde sý deńgeıiniń aýytqýshylyǵy baıqalady. Syrdarııa ózeninde sý deńgeıiniń tómendeýi jalǵasady.
