QR batysy men shyǵysynda jaýyn-shashyn, burqasyn, ekpindi jel, kóktaıǵaq kútiledi - 7 qarashaǵa arnalǵan aýa raıy boljamy
ASTANA. 6 qarasha. QazAqparat - QR-nyń batysy men shyǵysynda atmosferalyq aǵymdarǵa baılanysty jaýyn-shashynnyń túsýi, keıbir jerlerde mol jaýyn-shashyn, ekpindi jel, kóktaıǵaq kútiledi.
Qazaqstannyń qalǵan bóliginde antıtsıklon yqpalymen jaýyn-shashynsyz aýa raıy kútiledi, dep habarlaıdy TJM-niń baspasóz qyzmetinen Qazgıdrometke silteme jasaı otyryp.
Almaty, Jambyl, Batys Qazaqstan, Qaraǵandy, Shyǵys Qazaqstan oblystarynda, kúndiz Qyzylorda, Aqtóbe, Qostanaı oblystarynyń birqatar aımaqtarynda jel jyldamdyǵy 15-20 m/s deıin kúsheıedi, Jambyl, Qostanaı, Qaraǵandy, Shyǵys Qazaqstan oblystarynyń jekelegen aýdandarynda tuman túsip, kóktaıǵaq bolady. Túnde Aqmola, Pavlodar oblystarynda jel 15-20 m/s deıin jyldamdyqpen soǵady, keıbir jerlerde burqasyn bolady.
Aldaǵy táýlikte respýblıkanyń ońtústik, ońtústik-shyǵys jáne shyǵysynda sý deńgeıiniń aýytqýy kútiledi, Arys ózeninde sý deńgeıiniń odan ári kóterilýi baıqalady. Qazaqstannyń sý nysandarynyń basym bóliginde sý betiniń salqyndaýy baıqalady; soltústik, ortalyq jáne shyǵys oblystardyń jekelegen ózenderiniń betinde muz paıda bolady.
