Qyzylorda oblystyq Básekelestikti qorǵaý jáne damytý departamentiniń basshysy taǵaıyndaldy
QYZYLORDA. KAZINFORM — QR Básekelestikti qorǵaý jáne damytý agenttigi Qyzylorda oblysy boıynsha departamentiniń jańa basshysy qyzmetine Toqjanov Damır Jakenuly taǵaıyndaldy.
Damır Toqjanov 1988 jyly Qostanaı oblysynda dúnıege kelgen. A.Baıtursynov atyndaǵy Qostanaı memlekettik ýnıversıtetin «Matematıka» jáne «Ekonomıka» mamandyqtary boıynsha bitirgen.
Eńbek jolyn 2010 jyly Lısakov qalasy ákimi apparatynyń mamany bolyp bastap, ár jyldary ishki saıasat salasynda túrli laýazymda jumys istegen. 2011-2018 jyldary Lısakov, Rýdnyı qalalary ákimdikteri ishki saıasat bóliminiń bas mamany bolǵan. 2018-2020 jyldary Lısakov qalasy ákimdigi turǵyn úı ınspektsııasynyń, kásipkerlik jáne aýyl sharýashylyǵy bóliminiń basshysy qyzmetterin abyroımen atqarǵan.
2020 jyldyń aqpan aıynan Básekelestikti qorǵaý agenttigi Qostanaı oblysy boıynsha departamenti basshysynyń orynbasary qyzmetin atqaryp keldi.
Eske salsaq, budan buryn Qyzylorda oblysy ákiminiń apparat basshysy taǵaıyndaldy.
