QR Básekelestikti qorǵaý agenttigi jýrnalıster arasynda baıqaý jarııalaıdy
ASTANA. 27 shilde. QazAqparat - Qazaqstan Respýblıkasynyń Básekelestikti qorǵaý agenttigi jýrnalıster arasynda Qazaqstan Respýblıkasyndaǵy básekelestik saıasat máseleleri týraly jazylǵan eń úzdik shyǵarmaǵa «Básekelestik-BAQ-2011» atty baıqaý jarııalaıdy.
Básekelestik máselesine qatysty baıqaý buqaralyq aqparat quraldary arasynda alǵash ret uıymdastyrylyp otyr, dep habarlaıdy vedomstvonyń baspasóz qyzmeti.
Baıqaýdy QR Básekelestikti qorǵaý agenttigi uıymdastyrady.
Baıqaýǵa respýblıkalyq jáne oblystyq BAQ-dyń, ınternet-portaldardyń redaktsııalary, aqparattyq agenttik saıttary, sondaı-aq jekelegen avtorlar, jýrnalıster qatysa alady.
Baıqaýǵa 2011 jyldyń qańtar-tamyz aılarynda baspasózde jarııalanǵan maqalalar, radıo men teledıdardan shyǵarylǵan aýdıo jáne beınematerıaldar, sondaı-aq aqparat agenttikteriniń taspalarynda shyqqan materıaldar qabyldanady.
Baıqaý 4 atalym boıynsha ótedi:
-«Televıdenıedegi eń úzdik beınematerıal»;
- «Gazetter men jýrnaldarda jarııalanǵan eń úzdik maqala»;
- «Radıodaǵy eń úzdik materıal»;
- «Internet-resýrsta jarııalanǵan eń úzdik materıal».
Jumystar 2011 jyldyń 1 qyrkúıegine deıin Astana qalasy, sol jaǵalaý, «Mınıstrlikter úıi» ákimshilik ǵımaraty, 4 kireberis, Qazaqstan Respýblıkasynyń Básekelestikti qorǵaý agenttigi (monopolııaǵa qarsy), strategııalyq josparlaý departamentinde qabyldanady.
Qosymsha aqparatty (7172) 74 96 33 baılanys telefony arqyly nemese agenttiktiń www.azk.gov.kz . saıtynan alýǵa bolady.
