QR Básekelestikti qorǵaý agenttigi KazkommertsBanktyń qyzmetinen zańbuzýshylyq faktilerdi anyqtady
ASTANA. 15 tamyz. QazAqparat - Qazaqstan Respýblıkasy Básekelestikti qorǵaý agenttiginiń Ádistemelik keńesinde júrgizilgen tergeýlerdiń nátıjeleri qaraldy.
Bul týraly vedomstvonyń baspasóz qyzmeti habarlap otyr.
Tergeý barysynda KazkommertsBank kredıt berý sharttary negizinde óz klıentterin (zańdy tulǵalardy) barlyq aqsha aınalymy aýdarymyn jáne barlyq esep aıyrysý-kassalyq operatsııalardy tek qana óziniń bólimsheleri arqyly júzege asyrýǵa májbúrlegeni anyqtaldy.
Sonymen birge, KazkommertsBanktiń osy talaptary Bank qyzmeti týraly zańnamada kózdelmegen.
Banktiń bank qaryzy shartyna qaryz alýshynyń barlyq esep aıyrysý-kassalyq operatsııalardy bankke aýdarýy boıynsha talabyn engizýi qyzmet kórsetý talaptary klıent úshin neǵurlym tıimdi bolyp tabylatyn basqa bankterde bank shottaryn ashý boıynsha qaryz alýshynyń quqyǵyn shekteıdi («Bankter týraly» QR Zańynyń 33-babynyń 2-tarmaǵy).
Vedomstvonyń atap ótýinshe, KazkommertsBanktiń qosymsha talaptardy oryndaı otyryp kredıt berýge, sondaı-aq klıentti jasalǵan sharttardan bas tartýǵa májbúrleýge qatysty is-áreketine monopolııaǵa qarsy zańnamada («Básekelestik týraly» QR Zańynyń 16, 22, 25-baptary) tyıym salynǵan.
Júrgizilgen tergeý nátıjeleri boıynsha KazkommertsBankke qatysty monopolııaǵa qarsy tıisti sharalar qabyldanatyn bolady.
