QR Básekelestikti qorǵaý agenttigi 2010 jyldyń 1-inshi toqsanyndaǵy jumysynyń qorytyndysyn shyǵardy
ASTANA. Sáýirdiń 21-i. QazAqparat - Keshe QR Básekelestikti qorǵaý agenttigi alqasynyń kezekti otyrysy ótip, onda vedomstvonyń 2010 jyldyń 1-inshi toqsanyndaǵy jumysynyń qorytyndysy jáne taýar naryǵyndaǵy básekelestikti qorǵaý máseleleri qaraldy.
Bul týraly atalǵan vedomstvonyń baspasóz qyzmetinen habarlady.
Alqa májilisiniń kún tártibindegi mańyzdyń máselelerdiń biri retinde aǵymdaǵy jyly qańtardyń 29-yndaǵy Memleket basshysynyń «Jańa onjyldyq - jańa ekonomıkalyq órleý - Qazaqstannyń jańa múkindikteri» atty Qazaqstan halqyna Joldaýyn júzege asyrý aıasynda alda turǵan mindetterdi talqylaý boldy.
Baspasóz qyzmetiniń habarlaýynsha, aǵymdaǵy jyly agenttik ekonomıkanyń negizgi salalaryndaǵy básekelestikti damytý boıynsha múddeli memlekettik organdarmen ózara baılanysty jalǵastyrady. Sonymen qatar dári-dármek, qarjy qyzmetteri, janar maı, qurylys zattary, azyq-túlik jáne jemis-jıdek naryqtaryndaǵy jaǵdaı jiti qadaǵalaýǵa alynatyn bolady.
Aǵymdaǵy jylǵy sáýirdiń 1-inen bastap bıýdjettik sala qyzmetkerleriniń jalaqylarynyń ósýine baılanysty baǵanyń negizsiz ósýi múmkindi faktileriniń jolyn kesýge erekeshe nazar aýdarylady.
Básekelestikti damytý jónindegi barlyq is-sharalar agenttik ázirlep jatqan 2010-2014 jyldarǵa arnalǵan básekelestikti damytý jónindegi baǵdarlamasynda kórinis tabatyn bolady.
Aǵymdaǵy jyldyń 1-shi toqsanynda taýarlar tobyna 10 saraptama júrgizilip, ekonomıkalyq shoǵyrlandyrýǵa qatysty 103 ótinish qaraldy jáne monopolııaǵa qarsy zańnama normalarynyń buzylýyna 61 tergeý taǵaıyndaldy.
«Birinshi toqsannyń qorytyndysy boıynsha, 2009 jyly salynǵan aıyppul sanktsııalaryn eseptegende 13 mıllıonnan astam teńge bıýdjetke tústi», delingen baspasóz habarlamasynda.
