QR Bas sanıtarlyq dárigeri: Koronavırýstan qaıtys bolǵandarmen qoshtasýǵa 30 mınýt ýaqyt beriledi
Bul týraly QR Bas sanıtarlyq dárigeri Aıjan Esmaǵambetova jańa qaýlysynda tapsyrma berdi.
«Algorıtmge sáıkes, máıitti týystaryna berýge bolmaıdy. Jaqyn týystarǵa ǵana 3 metr qashyqtyqta qoshtasýǵa 30 mınýt ýaqyt beriledi. Jerleý rásimine bir ǵana dinı qyzmetker qatysady», - dedi bas sanıtarlyq dáriger Ortalyq kommýnıkatsııalar qyzmetindegi brıfıngide.
Onyń aıtýynsha, jerleý rásimi sanıtarlyq-epıdemııalyq qyzmettiń qyzmetkerdiń baqylaýymen jáne jergilikti atqarýshy organnyń qatysýymen ótedi jáne epıdemııaǵa qarsy barlyq sharalar qatań saqtalady.
Eske sala ketsek, atalǵan qaýlynyń qosymshasyna sáıkes, COVID-19-ǵa kúdikti adam qaıtys bolǵanda epıdemıologııalyq tekserý jáne osy jaǵdaıǵa baılanysty basqa da is-sharalar epıdemııaǵa qarsy rejim talaptaryn saqtaı otyryp tez arada júrgiziledi.
