QR Bas sanıtarlyq dárigeri demalys kúndergi shekteýlerdi túsindirdi

NUR-SULTAN. QazAqparat –QR Bas memlekettik sanıtar dárigeri Aıjan Esmaǵambetova demalys kúnderi karantın nelikten saqtalatynyn aıtty, dep habarlaıdy QazAqparat tilshisi.

Aıta keteıik, koronavırýsqa qatysty epıdemıologııalyq jaǵdaıdy odan ári turaqtandyrý maqsatynda demalys kúnderi shekteý sharalary saqtalady.

«Ne sebepti demalys kúnderi lokdaýndy saqtaımyz? Birinshi maqsat – qol jetkizilgen kórsetkishterdiń ońtaıly dınamıkasyn saqtaý. Infektsııanyń taralýynda basty sebep ne? Ol - adamdardyń qarym-qatynasy. Ózderińiz jaqsy bilesizder, demalys kúnderi adamdardyń ózara qarym-qatynasy kóbeıedi, turǵyndardyń saparǵa shyǵýy artady», - dedi ol Ortalyq kommýnıkatsııalar qyzmetinde.

Budan buryn habarlanǵandaı, A. Esmaǵambetova Qazaqstanda qatań shekteý sharalary engizilgennen bastap, koronavırýspen syrqattanýshylyqtyń táýliktik ósimi 0,5 paıyzǵa deıin tómendegenin aıtty.