QR Bas sanıtarııalyq dárigerdiń jańa qaýlysy 10 qarasha kúni kúshine enedi
Qazaqstan Respýblıkasynyń halqy arasynda COVID-19 koronavırýstyq ınfektsııasynyń taralýynyń aldyn alý maqsatynda QAÝLY ETEMІN:
1. «Qazaqstan Respýblıkasynyń memlekettik shekarasyndaǵy ótkizý pýnktterinde koronavırýstyq ınfektsııa aýrýynyń aldyn alý jónindegi sharalardy odan ári kúsheıtý týraly» Qazaqstan Respýblıkasynyń Bas memlekettik sanıtarııalyq dárigeriniń 2020 jylǵy 23 qazandaǵy № 59 qaýlysyna mynadaı ózgerister engizilsin:
1) 1-tarmaqtyń 2) tarmaqshasy mynadaı redaktsııada jazylsyn:
«2) Qazaqstan Respýblıkasyna Qazaqstan Respýblıkasynyń Memlekettik shekarasy arqyly ótkizý pýnktterinen temirjol, teńiz, ózen kóliginde jáne avtoótpe joldarynda keletin adamdarǵa qatysty is-sharalardy mynadaı tártippen júrgizýdi qamtamasyz etsin:
alyp júretin adamdarda Anyqtama bolǵan jaǵdaıda 5 jasqa deıingi balalardy; Qazaqstan Respýblıkasynyń úkimettik delegatsııalaryn; Qazaqstan Respýblıkasy Syrtqy ister mınıstrliginiń shaqyrýy boıynsha Qazaqstan Respýblıkasyna keletin shet memleketterdiń jáne halyqaralyq uıymdardyń resmı delegatsııalarynyń múshelerin; Qazaqstan Respýblıkasynda akkredıttelgen dıplomatııalyq ókildikterdiń, konsýldyq mekemelerdiń jáne halyqaralyq uıymdar ókildikteriniń qyzmetkerleri men olardyń otbasy múshelerin; lokomotıv brıgadalarynyń múshelerin; temirjol, teńiz jáne ózen kóligindegi tasymaldaý qyzmetimen baılanysty adamdardy qospaǵanda, barlyq kelgen adamdar Qazaqstan Respýblıkasynyń Memlekettik shekarasyn kesip ótken kezde nátıjesi berilgen kúnnen bastap 3 táýlikten aspaıtyn ýaqyt ótken PTR ádisimen COVID-19-ǵa testiniń teris nátıjesi bar anyqtamany (budan ári – Anyqtama) usynýǵa mindetti;
Qazaqstan Respýblıkasynyń úkimettik delegatsııalaryn; Qazaqstan Respýblıkasy Syrtqy ister mınıstrliginiń shaqyrýy boıynsha Qazaqstan Respýblıkasyna keletin shet memleketterdiń jáne halyqaralyq uıymdardyń resmı delegatsııalarynyń múshelerin; Qazaqstan Respýblıkasynda akkredıttelgen dıplomatııalyq ókildikterdiń, konsýldyq mekemelerdiń jáne halyqaralyq uıymdar ókildikteriniń qyzmetkerleri men olardyń otbasy múshelerin; Qazaqstan Respýblıkasynyń aýmaǵy arqyly tranzıtpen ótetin halyqaralyq júk tasymaldaryn júzege asyratyn júrgizýshilerdi, lokomotıv brıgadalarynyń múshelerin; temirjol kóligindegi tasymaldaý qyzmetimen baılanysty adamdardy qospaǵanda, Qazaqstan Respýblıkasyna Qazaqstan Respýblıkasynyń Memlekettik shekarasy arqyly ótkizý pýnktterinen temirjol, teńiz, ózen kóliginde jáne avtoótpe joldarynda keletin adamdarǵa qatysty shekteý sharalary osy qaýlyǵa 6-qosymshaǵa sáıkes júrgiziledi;
Qazaqstan Respýblıkasynyń aýmaǵy arqyly tranzıtpen ótetin halyqaralyq júk tasymaldaryn júzege asyratyn júrgizýshiler osy qaýlyǵa 4-qosymshaǵa sáıkes termometrııadan jáne saýalnama alýdan ótedi;
Qazaqstan Respýblıkasynyń aýmaǵy boıynsha eki jaqty qatynasta halyqaralyq júk tasymaldaryn júzege asyratyn júrgizýshiler, teńiz jáne ózen kóligindegi tasymaldaý qyzmetimen baılanysty adamdar termometrııadan, saýalnamadan ótedi jáne Anyqtama usynady. Anyqtama bolmaǵan jaǵdaıda Qazaqstan Respýblıkasynyń azamattary PTR ádisimen COVID-19-ǵa zerthanalyq tekserýden ótedi. PTR ádisimen COVID-19-ǵa zerthanalyq tekserý úshin materıal alynǵannan keıin mejeli jerge deıin marshrýt boıynsha jol júrýdi jalǵastyrady. Kelgen adamnan COVID-19-ǵa zerthanalyq tekserýdiń oń nátıjesin alǵan kezde memlekettik shekaradaǵy sanıtarııalyq-karantındik pýnktke issaparǵa jiberilgen sanıtarııalyq-epıdemıologııalyq qyzmet mamany COVID-19-ǵa oń nátıje týraly aqparatty qazirgi ýaqytta kelgen adam saýalnamada kórsetilgen marshrýt paraǵyna sáıkes aýmaǵynda turǵan oblystyq Sanıtarııalyq-epıdemıologııalyq qyzmet departamentine beredi. Qazirgi ýaqytta kelgen adam aýmaǵynda ornalasqan sanıtarııalyq-epıdemıologııalyq qyzmettiń mamany Densaýlyq saqtaý basqarmasyna (budan ári – DSB) jáne kelgen adamǵa COVID-19-ǵa zerthanalyq tekserýdiń oń nátıjesi týraly habarlaıdy. DSB kelgen adamdy medıtsınalyq tekserýdi qamtamasyz etedi, COVID-19 belgileri bolǵan kezde ony ınfektsııalyq statsıonarǵa jatqyzý qajettiligi týraly sheshim qabyldaıdy. COVID-19 belgileri bolmaǵan kezde oǵan COVID-19-dyń yqtımal sımptomdary týraly jáne mejeli jerge kelgennen keıin MSAK uıymyna júginý jáne COVID-19-ǵa tekserýdiń oń nátıjesi týraly habardar etý qajettiligi týraly túsindiredi. DSB osy qaýlyǵa 5-qosymshaǵa sáıkes tıisti qolhat alady. Sanıtarııalyq-epıdemıologııalyq qyzmet departamenti jáne DSB kelgen adamnyń mejeli jeri boıynsha COVID-19-ǵa jáne DSB-ǵa tekserýdiń oń nátıjesi bar adamnyń jol júrgeni týraly habarlaıdy;»;
2) 7-tarmaqtyń 1) tarmaqshasy mynadaı redaktsııada jazylsyn:
«1) Anyqtama bolmaǵan jaǵdaıda QR azamattary bolyp tabylmaıtyn jolaýshylardy áýe kemesiniń bortyna otyrǵyzýǵa jibermeýdi;»;
3) qaýlyǵa 1-qosymshada 5-tarmaq mynadaı redaktsııada jazylsyn:
«5. QR-ǵa kelgen azamattar Anyqtama bolmaǵan jaǵdaıda PTR ádisimen COVID-19-ǵa zerthanalyq tekserý úshin 3 táýlikke deıin karantındik statsıonarǵa oqshaýlaýǵa jatady. COVID-19-ǵa zerthanalyq tekserý nátıjelerin alǵannan keıin COVID-19-ǵa teris nátıjesi bar kelgen adamdarǵa osy qaýlyǵa 3-qosymshaǵa sáıkes tıisti qolhat alyna otyryp, COVID-19-dyń yqtımal sımptomdary týraly túsindirý júrgiziledi. COVID-19-ǵa oń nátıjemen kelgen adamdar ınfektsııalyq statsıonarǵa jatqyzylady.»;
4) qaýlyǵa 6-qosymsha osy qaýlyǵa qosymshaǵa sáıkes redaktsııada jazylsyn.
2. Osy qaýlynyń oryndalýyn baqylaýdy ózime qaldyramyn
3. Osy qaýly 2020 jylǵy 10 qarashada 00 saǵattan bastap kúshine enedi.
Qazaqstan Respýblıkasynyń
Bas memlekettik sanıtarııalyq dárigeri E. Qııasov