QR bas ravvıni: 4 qazanǵa eki mereke - musylmandardyń Qurban aıty men evreılerdiń Iom Kıpýry tuspa-tus kelip tur
ASTANA. QazAqparat - Qazaqstan Rsepýblıkasynyń bas ravvıni Eshaıa Kogen musylmandar men evreılerdi dinı merekelerimen quttyqtady.
"Bıyl bir kúnge, 4 qazanǵa eki mereke - Iom Kıpýr men Qurban aıt tuspa-tus kelip otyr. Evreı qaýymdastyǵyn jyldyń eń qasıetti kúni Iom Kıpýrmen, musylman qaýymdastyǵyn mańyzdy meıramdardyń biri - Qurban aıtpen quttyqtaımyn! Barsha qazaqstandyqtardy, Qudaıdyń kómegimen osyndaı dinı jáne memlekettik merekelerdi atap ótetin kúnge jetkenimen quttyqtaımyn. Qazaqstanda ádet-ǵuryp pen salt-dástúrdi saqtaýǵa múmkindik bar. Memleket te osyǵan barlyq jaǵdaılardy jasap jatyr.
Beıbitshilik pen amandyq tileımin!", - delingen quttyqtaýda.
