QR Bas prokýrory tıisti qurylymdyq bólimsheleriniń basshylaryna azamattardy jeke qabyldaýdaǵy ótinishterdi tolyq jáne jan-jaqty tekserýge tapsyrma berdi

ASTANA. QazAqparat - Búgin Bas prokýror Ashat Daýylbaev kezekti ret azamattardy jeke qabyldaý júrgizdi. Aryz berýshilerdiń ótinishteri qylmystyq, azamattyq jáne ákimshilik ister boıynsha sot aktilerine, sondaı-aq qylmystyq protsestiń sotqa deıingi satysyndaǵy ýákiletti organdardyń sheshimderiniń zańdylyǵyna baılanysty boldy.

Bul týraly QR Bas prokýratýrasynyń baspasóz qyzmeti habarlady.

A.Daýylbaev Bas prokýratýranyń tıisti qurylymdyq bólimsheleriniń basshylaryna ótinish berýshilerdiń aıǵaqtaryn tolyq jáne jan-jaqty tekserýdi qamtamasyz etýdi, zań buzýshylyqty anyqtaǵan jaǵdaıda prokýrorlyq qadaǵalaý aktisin engizýdi jáne buzylǵan quqyqtardy qalpyna keltirý boıynsha túbegeıli sharalar qabyldaýdy tapsyrdy.

Bas prokýrordyń osyǵan deıingi qabyldaýynyń nátıjesinde S.Seıtqazıevanyń uly S.Seıtqazıevtiń isi boıynsha sot aktileriniń kúshin joıý týraly qadaǵalaý narazylyǵyn engizý týraly usynymy qanaǵattandyryldy. Bas prokýrordyń narazylyǵy Joǵarǵy Sotta qaralýda. Sondaı-aq osy aryzdanýshynyń ótinishi boıynsha onyń ulyna dene jaraqatyn keltirgen A. jáne Á.-ge qatysty qylmystyq isti qysqartý týraly qaýlynyń kúshi joıyldy. Qazirgi ýaqytta is Ońtústik Qazaqstan oblysynyń Túrkistan q. ІІB óndirisinde jatyr.

Sondaı-aq Bas prokýror azamattyq-quqyqtyq daýdyń sebebi bolǵan úıdiń satylyp ketýine ákelip soqtyrǵan jalǵan kelisim-shart jasaýǵa kináli adamdardy qylmystyq jaýapkershilikke tartý týraly A.Qýanyshevanyń ótinishin qanaǵattandyrdy.

Bas prokýratýranyń bastamasy boıynsha jeke notarıýs K.Esovke Qylmystyq kodekstiń 229-babynyń 1-tarmaǵy (jekeshe notarıýstyń óz ókilettigin teris paıdalanýy) boıynsha kiná taǵylyp, is máni boıynsha qaraý úshin Astana qalasy Saryarqa aýdanynyń №2 sotyna joldandy.