QR Bas prokýrory RF-nyń Qazaqstandaǵy Tótenshe jáne Ókiletti Elshisimen kezdesti
ASTANA. Naýryzdyń 18-i. QazAqparat - Búgin QR Bas prokýrory Qaırat Mámı men RF-nyń Qazaqstandaǵy Tótenshe jáne Ókiletti Elshisi Mıhaıl Bocharnıkov kezdesti.
Bul aqparatty atalǵan vedomstvonyń baspasóz qyzmeti taratyp otyr.
Kezdesý barysynda elimizdiń Bas prokýrory reseılik dıplomatty azamattardyń quqyqtaryn, bostandyǵyn jáne zańdy múddelerin qamtamasyz etý barysyndaǵy quqyqtyq qural retindegi Qazaqstannyń quqyq qorǵaý organdary júıesindegi prokýratýranyń róli jaıynda habardar etken.
«Ótken jyldyń aıaǵynda Reseı Federatsııasy tarapynan TMD-nyń 1998 jyly naýryzdyń 6-yndaǵy Bas bostandyǵynan aıyrylǵandardy odan ári jazasyn óteý úshin berý týraly Konventsııasyn bekitýi nátıjesinde, qazirgi ýaqytta eki memleket sottalǵandardy elderine qaıtarý jónindegi ótinishterin oıdaǵydaı qaraý múmkindigine ıe bolǵany atap ótildi», delingen baspasóz baıanynda.
Qazirgi ýaqytta elimizdiń tórt azamatyna qatysty reseılik úkimderdi oryndaý jónindegi Bas prokýrordyń usynystaryn qazaqstandyq sottar qanaǵattandyrǵan.
Taraptar eki eldiń quqyq qorǵaý organdarynyń qylmysqa qarsy kúres jáne qylmystyq ister boıynsha ózara quqyqtyq kómek kórsetý salasyndaǵy is-qımyldarynyń tıimdiligi jóninde yqylaspen atap ótti.
Kezdesý nátıjesinde taraptar eki el arasyndaǵy yntymaqtastyqty onan ári nyǵaıtý jóninde kelisimge keldi.
