QR Bas prokýrory Qaırat Mámı Almaty qalasy prokýratýrasynda qyzmet atqarǵan ardagerlerge jańa úlgidegi general formasyn tabystady
ALMATY. 10 jeltoqsan. QazAqparat /Ádilet Musahaev/ - Búgin QR Bas prokýrory Qaırat Mámı Almaty qalasy prokýrorlarymen kezdesip, 15 ardagerge jańa úlgidegi general formalaryn tapsyrdy.
Qaırat Mámı jaqynda ǵana prokýratýra organdarynyń merekesi atap ótilgendigin aıta kele, elimiz Egemendik alǵannan bastap memleketimizdiń naqty bir qurylymy retinde prokýratýra organdary qyzmet atqaryp kele jatqandyǵyn aıtyp ótti. «Osy jyly prokýrorlar merekesi EQYU Sammıtimen, ıaǵnı elimiz úshin óte mańyzdy oqıǵamen sáıkes keldi. Bul sharany ótkizý arqyly memleketimiz álem saıasatynyń ortalyǵyna aınala bildi», - deıdi Bas prokýror.
Sonymen qatar ol prokýratýra salasynda qyzmet atqarǵan kóptegen ardagerler jas mamandarmen óz tájirıbelerin bólisip turatyndyǵyn aıtady. «Kóptegen ardagerlerimiz áli de qoǵam ómirine belsene aralasýda. Olar jas mamandardy tárbıeleýde», - deıdi Q.Mámı.
Jalpy Almaty qalasy prokýratýrasynda 92 ardager bar bolsa, onyń 34-i - qala mekemesinde, al 58-i respýblıkalyq uıymda esepte eken.
