QR Bas prokýrory Grýzııa Joǵarǵy sotynyń tóraǵasymen kezdesti
Taraptar Qazaqstan men Grýzııadaǵy sot reformacy jáne qylmystyq sot tóreligi júıesin talqylady.
Grýzııa tájirıbesiniń ereksheligi, memleket eýropalyq qylmystyq sot óndirisi modeline qysqa merzimde kóshe aldy jáne qazirgi ýaqytta ony tıimdi qoldanýda.
J.Asanov «Prokýratýra týraly» jańa Zań aıasyndaǵy prokýratýra organdarynyń mindetteri týraly, sonymen qatar qylmystyq protseste adam quqyqtaryn qorǵaýda qabyldanyp jatqan sharalarmen bólisti.
Sheteldik áriptesterge Bas prokýratýranyń Quqyq qorǵaý qyzmetteri ortalyǵy tanystyryldy. Onyń mindetteri jedel túrde aryz shaǵymdardy sheshý, azamattardyń quqyq qorǵaý jáne memlekettik organdarǵa degen senimin arttyrý, ákimshilik kedergilerdi joıý bolyp tabylady.
Sonymen birge, Elbasynyń elimizde tsıfrlyq tehnologııany damytý týraly tapsyrmasyn júzege asyrý sheńberińde «Elektrondyq qylmystyq is», «Ákimshilik óndiristiń birtutas tizilimi» jáne «Saraptaý ortalyǵy» týraly jobalary kórsetildi.
Qylmystyq jáne ákimshilik isterdiń satylaryn tsıfrlandyrý isterdi joǵaltý faktilerin joıatyndyǵy, qaǵazbastylyqty, tergeý merzimderi (qaraý), saraptaýdy jáne tikeleı onlaın túrde tergeýdi barlyq satysyna baqylaý kúsheıtiletindigi atap ótildi.
Óz kezeginde protsesterdi algorıtmdeý, saraptamany avtomattandyrý, ishki jáne syrtqy málimetterdi baılanystyrý Saraptama ortalyǵyna krımonogendik boljamdar, halyqtyń habardar bolýy úshin Data driven decisions qoldaný arqyly (málimetterge negizdelgen sheshimder) saraptamalyq materıaldar jasaýǵa jáne quqyq qorǵaý organdarynyń tıimdiligin arttyrýǵa múmkindik beredi.
Kezdesý sońynda Bas prokýror grýzın tarapyna elimizge jasaǵan saparyna alǵysyn bildirip, quqyqtyq salada ózara árekettestiktiń odan ári keńeıetindigine tilek bildirdi.