QR Bas prokýrory azamattardy ótinishteri boıynsha qabyldady
ASTANA. Sáýirdiń 6-sy. QazAqparat - Búgin Qazaqstan Respýblıkasynyń Bas prokýrory Qaırat Mámı azamattardy qabyldady,
dep habarlady atalǵan vedomstvonyń baspasóz qyzmetinen.
Qabyldaýda bolǵandardyń máseleleri negizinen týystarynyń zańsyz qylmystyq jaýapqa tartylýy, turǵyn úı jáne eńbek daýlary, jekemenshik quqyqtarynyń shektelýi jáne basqa jaıttarǵa qatysty bolǵan.
«Bas prokýror olardy muqııat tyńdap, prokýratýranyń jaýapty qyzmetkerlerine aryzdanýshylardyń aıǵaqtaryn zerttep, zań buzýshylyq oryn alǵan jaǵdaıda azamattardyń buzylǵan quqyqtaryn qalpyna keltirýge jáne aıypty tulǵalardy zańmen belgilengen jaýapqa tartýǵa baǵyttalǵan túbegeıli sharalar qabyldaý týraly tapsyrmalar berdi», delingen baspasóz habarlamasynda.
