QR Bas prokýrory A. Daýylbaevtyń málimdemesi
ASTANA. 16 jeltoqsan. QazAqparat. QazAqparat Mańǵystaý oblysy Jańaózen qalasynda bolǵan jappaı tártipsizdikterge baılanysty QR Bas prokýrory A.Daýylbaevtyń málimdemesin jarııalaıdy.
QR Bas prokýrory A. Daýylbaevtyń málimdemesi
Búgin, 2011 jyldyń 16-shy jeltoqsanynda 11 saǵat 30 mınýtta Manǵystaý oblysynyń Jańaózen qalasynda merekelik is-sharalar barysynda adamdar tobynyń qylmystyq áreketteriniń nátıjesinde jappaı tártipsizdikter oryn aldy.
Táýelsizdiktiń 20 jyldyǵyn merekeleýge ortalyq alańǵa jınalǵan beıbit turǵyndar buzaqylyq jasaýshy adamdar tobynyń shabýylyna ushyrady.
Qoǵamdyq tártipti óreskel buzyp, quqyq buzýshylar polıtsııa qyzmetkerlerine shabýyl jasaǵan, jańa jyldyq shyrshany qulatyp tastaǵan, meıramǵa oraı qurylǵan sahna men kıiz úıdi buzǵan jáne polıtsııa avtobýsyn órtep jibergen.
Buzaqylyq jasaýshy adamdar toby beıbit turǵyndardy uryp-soǵyp, alańnyń mańyndaǵy avtokólikterdi syndyra bastaǵan.
Quqyq qorǵaý organdarynyń quqyqqa qarsy áreketterdi toqtatý týraly talaptaryna buzaqylyq top qarýdy alyp qoıý maqsatynda quqyq qorǵaý organdarynyń qyzmetkerlerine shabýyl jasaǵan. Sonymen qatar buzaqylyq jasaýshy elementter atys jáne sýyq qarýlar qodanǵan.
Jappaı tártipsizdikter saldarynan qala ákimdiginiń ǵımaraty, qonaq úı, «Ózenmunaıgaz» kompanııasynyń ákimshilik ǵımaraty órtengen. Sondaı-aq jeke jáne zańdy tulǵalardyń múlikteri joıylyp, avtokólikter órtelgen, bankomattar tonalǵan.
Aldyn-ala málimetter boıynsha, jappaı tártipsizdikter saldarynan 10 adam qaza bolǵan, jaralanǵandar bar, olardyń arasynda polıtsııa qyzmetkerleri de bar.
Jappaı tártipsizdik faktileri boıynsha qylmystyq ister qozǵaldy.
Memleket basshysynyń tapsyrmasy boıynsha qylmystyq áreketterdiń jolyn kesý, tártipsizdikterdi uıymdastyrýshylardy anyqtaý jáne jazalaý, qaladaǵy qoǵamdyq qaýipsizdikti qalpyna keltirý úshin Qazaqstan Respýblıkasynyń Іshki ister mınıstri Q.Qasymovtyń jetekshiligimen jedel-tergeý toby Jańaózen qalasyna ushyp ketti.
Bas prokýratýra tártipsizdikterdi uıymdastyrýshylardy olardyń zań aldyndaǵy jaýapkershilikteri týraly eskertedi jáne quqyqqa qarsy áreketterdi toqtatýǵa shaqyrady.
Quqyq qorǵaý organdary azamattardyń tynyshtyǵy men qaýipsizdigin buzýǵa jasalǵan barlyq talpynystarǵa tosqaýyl qoıýǵa baǵdarlanǵan.
