QR Bas prokýratýrasynyń ókilderi tájikstandyq áriptesterine dáris bermek
ASTANA. 25 aqpan. QazAqparat /Aıdar Ospanalıev/ - Qazaqstan Respýblıkasynyń Bas prokýratýrasy janyndaǵy S. Esqaraev atyndaǵy prokýratýra organdary kadrlarynyń biliktiligin arttyrý,
zańdylyq jáne quqyq máselelerin zertteý ınstıtýty 28 aqpan men 4 naýryz aralyǵynda elimizdegi qala jáne aýdan prokýrory laýazymyn atqarý maqsatynda rezervte turǵan azamattardyń biliktiligin arttyrý jumystaryn júrgizedi. Bul týraly búgin atalmysh ınstıtýttyń baspasóz qyzmetinen habarlandy.
Baspasóz ókilderiniń málimetterinshe, osyǵan deıin jasalǵan kelisimder negizinde biliktilikti arttyrý kýrstaryna Tájikstannyń prokýrorlary da qatysady. Atalmysh sharanyń maqsaty - prokýratýra qyzmetkerleriniń biliktilik deńgeılerin arttyryp, prokýratýranyń aımaqtyq organdaryn basqaratyn jas mamandardy ázirleý bolyp tabylady. Semınar barysynda oǵan qatysýshylar tájirıbe jınaqtap, prokýratýra qyzmetimen baılanysty jumystardy uıymdastyrý sharalarymen tanysady. Sonymen qatar onda aýdandyq prokýrorlardyń Bas prokýratýranyń Quqyqtyq statıstıka men arnaıy esep komıtetimen jáne Astana qalalyq prokýratýrasymen baılanys máseleleri pysyqtalady.
