QR Bas prokýratýrasynyń kezekti alqa májilisi ótti
STANA. Mamyrdyń 25-i. QazAqparat - Búgin QR Bas prokýratýrasynyń kezekti alqa májilisi ótip, onda jol qaýipsizdigin qamtamasyz etý máseleleri, sondaı-aq jekelegen memlekettik organdardaǵy ákimshilik zańdardy qoldanýdaǵy zańdylyqtyń jáı-kúıi qarastyryldy.
Bul aqparatty atalǵan vedomstvonyń baspasóz qyzmeti taratyp otyr.
Alqaly jıynǵa QR Prezıdenti Ákimshiliginiń, Premer-Mınıstr Keńsesiniń, Joǵarǵy sottyń ókilderi, Ádilet, Іshki ister, Densaýlyq saqtaý, Tótenshe jaǵdaılar jónindegi mınıstrlikterdiń laýazymdy qyzmetkerleri qatysqan.
«Quzyretti organdardyń qoldanyp otyrǵan sharalaryna qaramastan, avtomobıl qozǵalysy salasynda apatty jaǵdaılar men adam shyǵyndary túbegeıli joıylmaı otyr. Osyǵan oraı, jıynǵa qatysýshylar qaralyp otyrǵan máseleniń jáne oǵan qatysty zańdardy odan ári jetildirýdiń, ýákiletti memlekettik organdardyń qyzmetteriniń tıimdiligin kóterýdiń ózektiligin atap kórsetti. Jol polıtsııasy organdarynyń apattylyqtyń jalpy kórinisin beretin esepke alý, tirkeý jumysyndaǵy eleýli kemshilikteri de qadap aıtyldy», delingen baspasóz baıanynda.
Sondaı-aq, alqaǵa qatysýshylar jol polıtsııasy, keden jáne Tótenshe jaǵdaılar jónindegi mınıstrliktiń órt qadaǵalaý, memlekettik sáýlet-qurylys baqylaý organdarynyń ákimshilik zańdaryn qoldaný kezindegi azamattardyń konstıtýtsııalyq quqyqtaryn qamtamasyz etý máselelerin de talqylaǵan.
Vedomstvonyń aqparatyna qaraǵanda, Bas prokýror Q.Mámı ýákiletti organdardan jol qaýipsizdiginiń joǵary deńgeıin qamtamasyz etýdi, vedomstvolyq aktilerde oryn alyp otyrǵan olqylyqtar men qarama-qaıshylyqtardy joıýdy, sondaı-aq ákimshilik materıaldardy qaraý barysynda zańdylyqtyń buzylý faktilerin boldyrmaýdy talap eten.
«Alqadaǵy talqylaýdyń nátıjesinde jol qozǵalysy salasyndaǵy esepke alý, tirkeý tártibin jetildirýge, osy baǵyt boıynsha vedomstvolyq baqylaý men prokýrorlyq qadaǵalaýdy kúsheıtýge, sondaı-aq ákimshilik óndiriske tartylǵan azamattardyń quqyqtaryn qorǵaýǵa baǵyttalǵan sheshim qabyldady», dep naqtylaı túsken baspasóz qyzmeti.
