QR Bas prokýratýrasynda zańdylyqty, quqyqtyq tártip pen qylmysqa qarsy kúresti qamtamasyz etý jónindegi úılestirý keńesiniń otyrysy ótti
ASTANA. 13 maýsym. QazAqparat - Búgin QR Bas prokýratýrasynda Bas prokýror Ashat Daýylbaevtyń tóraǵalyǵymen Zańdylyqty, quqyqtyq tártip pen qylmysqa qarsy kúresti qamtamasyz etý jónindegi úılestirý keńesiniń otyrysy bolyp ótti,
onda bas bostandyǵynan aıyrý oryndarynan bosaǵan adamdarǵa ákimshilik qadaǵalaý ornatý máseleleri, sondaı-aq sybaılas jemqorlyqpen kúrestiń jaı-kúıi talqylandy.
Bul týraly joǵarǵy qadaǵalaý organynyń baspasóz qyzmeti habarlady.
Otyrys jumysyna Úılestirý keńesiniń músheleri, Joǵarǵy Sot, Ekonomıkalyq qylmysqa jáne sybaılas jemqorlyqqa qarsy kúres agenttiginiń, Іshki ister mınıstrliginiń, beınekonferentsııalyq baılanys boıynsha - oblystyq prokýratýralar, ishki ister jáne qylmystyq atqarý júıesi bólimsheleriniń basshylary men qyzmetkerleri qatysty.
Bas bostandyǵynan aıyrý oryndarynan bosaǵan adamdarǵa ákimshilik qadaǵalaý ornatý máselelerin talqylaýdyń ózektiligi osy saladaǵy zańdylyqtyń jappaı buzylýyn jáne jumystyń tıisinshe uıymdastyrylmaýyn anyqtaǵan Bas prokýratýra júrgizgen tekseristerdiń nátıjesimen baılanysty boldy. Buzýshylyqtardyń negizgi bóligine ákimshilik polıtsııa tarapynan jol berilgen.
Ákimshilik qadaǵalaýdy júzege asyrý jónindegi ýákiletti organnyń jumysyn retteıtin áreket etýshi zańnamanyń kemshilikteri, ákimshilik polıtsııa men túzeý mekemeleri arasyndaǵy ózara is-qımyldyń jetkiliksiz deńgeıi, sondaı-aq ІІM salalyq Komıteti tarapynan óńirlik bólimshelerdiń qyzmetine sylbyr vedomstvolyq baqylaý oryn alǵan jaǵdaıdyń sebepteri retinde tanyldy. Resmı statıstıkalyq eseptiliktiń bolmaýy jaǵdaıdy ýshyqtyra túsedi, bul atalǵan sanattaǵy tulǵalardyń arasyndaǵy profılaktıkalyq jumystyń jaı-kúıi týraly shynaıy kartınany bilýge kedergi týǵyzady. Osylardyń barlyǵy ótken jyly buryn jazasyn ótegen tulǵalardyń eki myńǵa jýyq qylmys jasaýyna sebepterdiń biri bolǵan.
Talqylaý qorytyndysy boıynsha Іshki ister mınıstrligine ákimshilik qadaǵalaý jónindegi zańnamany jetildirý boıynsha sharalar qabyldaý, sonymen qatar ákimshilik polıtsııanyń túzeý mekemelerimen tıimdi ózara is-qımyl jasaý tártibin retteıtin vedomstvolyq normatıvtik quqyqtyq aktini jyldam qabyldaý usynyldy.
Sondaı-aq osy baǵyttaǵy quqyq qorǵaý organdary jumysyn úılestirýdi kúsheıtý sheńberinde ákimshilik qadaǵalaý ornatylǵan tulǵalardy Bas prokýratýranyń Quqyqtyq statıstıka jáne arnaıy esepke alý jónindegi komıtetiniń aqparattyq esepke alý qorymen ıntegratsııalanǵan avtomatty túrde esepke alý tetigin jasaý múmkindigin qarastyrý usynyldy.
Kún tártibindegi ekinshi máseleni talqylaý barysynda memlekettik satyp alýlar, letsenzııalaý-ruqsat berý júıesi jáne baqylaý-qadaǵalaý qyzmetterin júzege asyrý salalary sybaılas jemqorlyqqa neǵurlym beıim ekeni atap ótildi. Jyl saıyn anyqtalǵan sybaılas jemqorlyq qylmystarynyń 15-20% memlekettik satyp alýlar salasyna tıesili bolyp otyr.
Osyǵan oraı, Úılestirý keńesi Ekonomıkalyq damý jáne saýda mınıstrligine ruqsat berý protsedýralarynyń biryńǵaı ulttyq tizilimin jasaý, sondaı-aq kásipkerlerge ruqsat berý qujattarynyń barlyq paketin berý jáne tıisti protsedýralardy ótýdiń «bir tereze» qaǵıdasyn engizý máselelerin zerdeleýdi usyndy.
Ekonomıkalyq qylmysqa jáne sybaılas jemqorlyqqa qarsy kúres agenttigine qarjy-nesıe salasyndaǵy qylmystyq kórinisterge tosqaýyl qoıýmen, sonyń ishinde qylmystyq jolmen alynǵan qarajattardy jylystatýmen baılanysty júrgiziletin jedel-izdestirý is-sharalarynyń nátıjeliligi men sapasyn arttyrý usynyldy.
