QR Bas prokýratýrasynda Halyqaralyq áıelder kúnine arnalǵan saltanatty jıyn bolyp ótti

ASTANA. 7 naýryz. QazAqparat - Búgin Bas prokýratýrada Halyqaralyq áıelder kúnin merekeleýge arnalǵan saltanatty jınalys bolyp ótti. Bul týraly vedomstvonyń baspasóz qyzmetinen habarlandy.

Kóktem merekesi qarsańynda zańdylyq pen quqyqtyq tártipti nyǵaıtýǵa sińirgen eńbekteri eskerile otyryp, prokýratýra organdarynyń úlgili qyzmet atqarǵan ardager jáne qyzmetker áıelderi qadaǵalaý organynyń vedomstvolyq nagradalarymen marapattaldy.

Óziniń quttyqtaý sózinde Bas Prokýrordyń birinshi orynbasary Iogan Merkel Elbasynyń Joldaýynda aıqyndalǵan genderlik saıasatty odan ári nyǵaıtý jumystarynyń nátıjeli júrgizilip jatqanyna, áıelder qaýymynyń prokýratýra organdarynda jáne tutastaı alǵanda qoǵamymyzda erekshe oryn alatynyna toqtalyp ótti.

Saltanatty jınalys sońynda prokýratýra qyzmetkerleri ázirlegen merekelik kontsert boldy.