QR Bas prokýratýrasy júrgizýshi kýálikterin júıke aýrýyna shaldyqqan azamattarǵa berý faktilerin anyqtady
«Júrgizýshilik kýálikterdi berý protsedýrasynda da júıelik kemshilikter bar. Psıhıkalyq-nevrologııalyq jáne narkologııalyq dıspanserlerdiń arnaıy esebindegi azamattarǵa kýálikterdi berý oqıǵalary anyqtaldy», - dedi A.Kravchenko. Onyń sózine qaraǵanda, Soltústik Qazaqstan oblysynda osyndaı tirkeýde turǵan azamat júrgizýshi kýáligin alyp, marshrýttyq taksı júrgizýshisi bolyp ornalasyp alǵan. Ol paranoıdtyq shızofrenııa, sýıtsıdke beıim sındromdary boıynsha esepte turǵan. Ótken jyldyń shildesinde ol ózine-ózi qol jumsap, kóz jumǵan. Bas prokýratýranyń málimetinshe, densaýlyq saqtaý organdarynda esepte turǵan azamattarǵa júrgizýshi kýálikterin berý faktileri jergilikti jerlerde de anyqtalǵan. «Іshki ister organdary men densaýlyq saqtaý mekemeleriniń málimetter bazasyn yqpaldastyrý týraly engizilgen usynys ázirge júzege asyrylǵan joq. Bul turǵyda normatıvtik-quqyqtyq ózgertýler kerek. Sebebi indetke baılanysty azamattyń tirkeýde turǵandyǵy jaıynda derekter dárigerlik qupııa qaǵıdatyn saqtaıdy», - dedi ol.
